"Búgingi Qazaqstan biligi túgeldei qazaqtardan turady. Saiasatty, zańdy, atqarýshy jáne oryndaýshy bilikti, ekonomikany, bilimdi, ǵylymdy, mádenietti, aqparatty, áleýmettik salany - qazaqtar bilep-tóstep otyr.
Alaida budan qazaq ultyna qaiyr joq. Qazaqsha sóilep, qazaqsha oilaityn aýyl qazaǵy, qaladaǵy qarapaiym qazaq ulttyq bailyqqa ortaqtasa almaidy" – dep esepteidi Svoik myrza.
Onyń pikirinshe Qazaqstandaǵy bilik qazaq ultyna emes, osy ulttan "jasaqtalǵan" at tóbelindei topqa tiesili.
"Shyndyǵynda mundai Qazaqstannyń memlekettik tili - orys tili. Qazaq biligi orys tilimen qatar, qazaq tilin de qoldanýǵa tyrysady. Biraq bul ánsheiin kózaldaý, yrymyn jasaǵan bolady. Qalada turatyn qazaqtyń kópshiligi - orystildi nemese eki tildi de jetik meńgergen.
Buǵan qosa qalalyq jerde aralas neke kóp. Qazaq pen orys qana otaý quryp jatqan joq, qazaq pen káris, tatar, ózbek, uiǵyr, evrei jáne basqanyń qany shimai-shatpaqtanyp ketken. Búgingi qazaq biliginiń basynda otyrǵan álgi at tóbelindei top qazaqylyǵynan áldeqashan aiyrylǵan", – deidi Petr Svoik.
