الاياقتىق جاسادى جەنە قىلمىستىق جولمەن تابىلعان قاراجاتتى زاڭداستىردى دەگەن كٷدٸككە ٸلٸنگەن پەريزات قايرات تەرگەۋ يزولياتورىندا ٶزٸنە كٷش قولدانىلعانىن مەلٸمدەدٸ, دەپ حابارلايدى Dalanews.kz. Tengrinews.kz-كە سٸلتەپ.
ول بۇل تۋرالى استانا قالاسىندا ٶتٸپ جاتقان سوت وتىرىسى باستالار الدىندا ايتتى.
"مورالدىق تۇرعىدان قاتتى شارشادىم. ەندٸ عانا تەرگەۋ يزولياتورىنىڭ قىزمەتكەرلەرٸ تاراپىنان ۇرىپ-سوعۋ دەرەگٸ تۋرالى اشىق ايتا الامىن. استانا قالالىق پروكۋراتۋراسى بۇل دەرەك بويىنشا قىلمىستىق ٸس قوزعادى. قازٸر جاعدايىم بٸرشاما جاقساردى", – دەدٸ پەريزات قايرات.
جۋرناليستەر ونىڭ قۇقىق قورعاۋ ۇيىمدارىنان كٶمەك سۇراعان-سۇراماعانىن ناقتىلادى.
"قانداي ٶتٸنٸش تٷسٸرسەم دە, بٷگٸنگە دەيٸن ماعان قوعامدىق قورعاۋشى تاعايىندالعان جوق. انامدى دا العاش رەت بٷگٸن عانا كٶرٸپ تۇرمىن. وعان كٷدٸكتٸ مەرتەبەسٸ تەك 18 ناۋرىزدا بەرٸلدٸ. مەنٸڭ بارلىق زاڭدى قۇقىعىم اياق-استى ەتٸلدٸ", – دەپ كٶزٸنە جاس الدى ايىپتالۋشى.
سونداي-اق, پەريزات قايرات اشىق سوت پروتسەسٸنە قارسى ەمەستٸگٸن ايتتى. بٸراق جۋرناليستەردەن اناسىن كامەراعا تٷسٸرمەۋدٸ سۇرادى.
كەيٸنٸرەك پەريزات قايراتقا قاتىستى سوت وتىرىسى قالاي ٶتەتٸنٸ بەلگٸلٸ بولدى.
"پەريزات قايراتتىڭ الدىن الا تىڭداۋداعى ٶتٸنٸشٸ قارالدى (...) سوت سوت پروتسەسٸن جابىق تٷردە ٶتكٸزۋ تۋرالى ٶتٸنٸشتٸ ٸشٸنارا قاناعاتتاندىرۋ تۋرالى قاۋلى شىعاردى. سوت وتىرىسى 2025 جىلى 14 شٸلدەدە ساعات 10:00-گە بەلگٸلەندٸ", - دەدٸ سۋديا.
بٷگٸن استانادا پەريزات قايرات پەن اناسىنا قاتىستى سوت باستالدى.
