Alaiaqtyq jasady jáne qylmystyq jolmen tabylǵan qarajatty zańdastyrdy degen kúdikke ilingen Perizat Qairat tergeý izoliatorynda ózine kúsh qoldanylǵanyn málimdedi, dep habarlaidy Dalanews.kz. Tengrinews.kz-ke siltep.
Ol bul týraly Astana qalasynda ótip jatqan sot otyrysy bastalar aldynda aitty.
"Moraldyq turǵydan qatty sharshadym. Endi ǵana tergeý izoliatorynyń qyzmetkerleri tarapynan uryp-soǵý deregi týraly ashyq aita alamyn. Astana qalalyq prokýratýrasy bul derek boiynsha qylmystyq is qozǵady. Qazir jaǵdaiym birshama jaqsardy", – dedi Perizat Qairat.
Jýrnalister onyń quqyq qorǵaý uiymdarynan kómek suraǵan-suramaǵanyn naqtylady.
"Qandai ótinish túsirsem de, búginge deiin maǵan qoǵamdyq qorǵaýshy taǵaiyndalǵan joq. Anamdy da alǵash ret búgin ǵana kórip turmyn. Oǵan kúdikti mártebesi tek 18 naýryzda berildi. Meniń barlyq zańdy quqyǵym aiaq-asty etildi", – dep kózine jas aldy aiyptalýshy.
Sondai-aq, Perizat Qairat ashyq sot protsesine qarsy emestigin aitty. Biraq jýrnalisterden anasyn kameraǵa túsirmeýdi surady.
Keiinirek Perizat Qairatqa qatysty sot otyrysy qalai ótetini belgili boldy.
"Perizat Qairattyń aldyn ala tyńdaýdaǵy ótinishi qaraldy (...) Sot sot protsesin jabyq túrde ótkizý týraly ótinishti ishinara qanaǵattandyrý týraly qaýly shyǵardy. Sot otyrysy 2025 jyly 14 shildede saǵat 10:00-ge belgilendi", - dedi sýdia.
Búgin Astanada Perizat Qairat pen anasyna qatysty sot bastaldy.
