سەنات دەپۋتاتى، اقپارات جانە قوعامدىق دامۋ مينيسترلىگىنىڭ بۇرىنعى باسشىسى دارحان ءقىدىرالى Biz Birgemiz Kazakhstan قورىنىڭ باسشىسى پەريزات قايرات ءوزىنىڭ كەڭەسشىسى بولعانىن جوققا شىعاردى. بۇل تۋرالى جۋرناليستەر دەپۋتاتتىڭ وزىنەن سۇراعان، - دەپ حابارلايدى Dalanews.kz Ulysmedia.kz-كە سىلتەپ.
ب ا ق وكىلى سەناتوردان Biz Birgemiz Kazakhstan قورىنىڭ باسشىسى پەريزات قايراتقا قاتىستى سۇراق قويماق بولدى. ويتكەنى بۇعان دەيىن دەرەككوزدەر پەريزات قايرات دارحان ءقىدىرالىنىڭ كەڭەسشىسى بولىپ جۇمىس ىستەگەنىن جازعان. الايدا سەناتور مۇنى ۇزىلدى-كەسىلدى جوققا شىعاردى.
«مەندە جۇمىس ىستەگەن جوق. كەڭەسشى بولعان جوق. مەندە ونداي بۇيرىق جوق»، – دەدى ءقىدىرالى.
ايتا كەتەيىك، قما ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىپ جاتىر.
«ول كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1،5 ملرد تەڭگەدەن استام قاراجاتتى جىمقىردى دەگەن كۇدىككە ءىلىندى»، — دەپ حابارلادى اگەنتتىك بۇعان دەيىن.
مالىمەتكە سۇيەنسەك، قايىرىمدىلىقتىڭ نەگىزگى بولىگى قىمبات ءسان بۇيىمدارى مەن جىلجىمايتىن مۇلىكتى ساتىپ الۋ ماقساتىنا جۇمسالعان.
«بيىل كوكتەمدە ول ەلورداداعى اۆتوسالونداردا 88 ملن تەڭگەگە «Mercedes-Benz S450»، 80 ملن تەڭگەگە «Lexus LX-600» جانە 39 ملن تەڭگەگە «Haval» اۆتوكولىكتەرىن ساتىپ الدى. وسى كەزەڭدە ول جالپى سوماسى 600 ملن تەڭگەنى قۇرايتىن ەلوردانىڭ پرەميۋم ساناتتاعى «Akbulak Riviera»، «Highvill Ishim Gold»، «كوك جايلاۋ» تك (تۇراق ورىندارىن قوسا العاندا)، سونداي-اق «Vela Village» كوتتەدج قالاشىعىندا جىلجىمايتىن مۇلىك نىساندارىن ساتىپ الدى.
سونىمەن قاتار، قازاقستاندىقتاردىڭ قايىرىمدىلىققا جىبەرگەن قاراجات ەسەبىنەن پەريزات ق. دۋباي، دوحا، لوندون جانە ستامبۋلداعى «St. Regis»، «Shangri-La»، «Palazzo Versace» جانە «Kempinski» سياقتى بەس جۇلدىزدى قوناق ۇيلەردە دەمالعان. بۇل ەلدەردە ول «Cartier» جانە «Louis Vuitton» سياقتى برەندتەردىڭ قىمبات اكسەسسۋارلارى مەن زەرگەرلىك بۇيىمداردى ساتىپ الىپ، فەشەنەبەلدى مەيرامحانالارعا بارىپ، ياحتالاردى جالداعان. قىلمىستىق سحەمانى جۇزەگە اسىرۋ ءۇشىن دوستارى مەن تۋىستارىنا 8% سىياقى بەرىپ، قوردىڭ اقشاسى قولما-قول اقشاعا اينالدىرىپ وتىرعان.
وسىلايشا، پەريزات ق. ءوزىنىڭ زاڭسىز ارەكەتتەرىمەن ەرىكتىلەر قوزعالىسىنىڭ بەدەلىنە نۇقسان كەلتىرىپ، ونىڭ اشىقتىق پەن ادالدىق پرينسيپتەرىنە كۇمان كەلتىردى جانە حالىقتىڭ سەنىپ تاپسىرعان قاراجاتىن تالان-تاراجعا سالعان»، — دەپ جازىلعان اگەنتتىك مالىمەتىندە.
ارتىنشا قما ونىڭ زاڭسىز ارەكەتىنىڭ تاعى ءبىر ەپيزودى انىقتالعانىن حابارلادى.
«2023 جىلدىڭ قاراشا ايىندا پەريزات قايرات پالەستينا تۇرعىندارىنا گۋمانيتارلىق كومەك كورسەتۋ ءۇشىن قاراجات جيناۋدى ۇيىمداستىردى. 2023 جىلعى جەلتوقساندا وسى اقشا ەسەبىنەن پەريزات ق. «Sensata Plaza» ەليتالىق كەشەنىنەن 49 ملن تەڭگەگە ءۇش بولمەلى پاتەر جانە 30 ملن تەڭگەگە «Mercedes-Benz EQE 500 4 Matic» جاڭا اۆتوكولىگىن ساتىپ الدى. سونىمەن قاتار، قاراجاتتىڭ ءبىر بولىگى ءباا—دە «Rolex»، «Prada» جانە «Fendi» برەندتىك بۋتيكتەرىنەن زەرگەرلىك بۇيىمداردى، ساعاتتار مەن كيىمدەردى ساتىپ الۋعا جۇمسالدى»، — دەپ جازىلعان حابارلامادا.
