پاۆلوداردا 9 تٸلدە ەركٸن سٶيلەيتٸن وقۋشى بار. 11-سىنىپ وقۋشىسى شەت تٸلٸن ٷيرەنگٸسٸ كەلەتٸندەرگە دەرٸس بەرەدٸ. جاستايىنان بٸرنەشە تٸل ٷيرەنۋگە دەگەن قارىم-قابٸلەتٸ ونى قازٸردٸڭ ٶزٸندە ٷلكەن تابىسقا كەنەلتكەن. ايحانىم وقاسوۆا ٶز ەڭبەگٸنٸڭ نەتيجەسٸندە استانادان باسپانا ساتىپ العان, دەپ حابارلايدى Dalanews.kz "جەتٸنشٸ ارناعا" سٸلتەپ.
تٸل ٷيرەنۋگە دەگەن قىزىعۋشىلىق ايحانىم وقاسوۆاعا اناسىنان دارىعان. ول ەۋەلٸ قازاق تٸلٸن جەتٸلدٸرٸپ, كەيٸن اعىلشىن تٸلٸنە دەن قويعان. ال ۋاقىت ٶتە كەلە فرانتسۋز ەندەرٸنە ەۋەستەنٸپ, وسى تٸلگە ەرەكشە سٷيٸسپەنشٸلٸك تانىتقان.
"فرانتسۋز تٸلٸنەن كەيٸن پاۆلودار قالاسىنداعى جاستار رەسۋرس ورتالىعىندا كورەي تٸلٸ بويىنشا تەگٸن كۋرستار اشىلدى. كەيٸن كۋرس اياقتالسا دا, بۇل تٸلگە دەگەن قىزىعۋشىلىعىم باسىلعان جوق. كورەي تٸلٸن جاقسى دەڭگەيدە مەڭگەرگەننەن كەيٸن اراب تٸلٸن ٷيرەنە باستادىم, ال اراب تٸلٸنەن سوڭ قىتاي تٸلٸنە كٶشتٸم. قازٸر تٷرٸك جەنە نەمٸس تٸلدەرٸندە دە ەركٸن سٶيلەي الامىن", - دەدٸ ول.
ايحانىم وقاسوۆا شەت تٸلدەرٸن مەڭگەرۋدٸ 6-سىنىپتان باستاعان. ول تٸلدەردٸ ٶز بەتٸنشە وقۋلىقتار, بەينەساباقتار جەنە تٸكەلەي قارىم-قاتىناس ارقىلى ٷيرەنگەن.
پوليگلوت بولاشاقتا بەدەلدٸ شەتەل ۋنيۆەرسيتەتٸنە وقۋعا تٷسٸپ, جەر جاھاندى ارالاۋدى ارماندايدى.
