پاۆلودار وبلىسىنىڭ تەرەڭكٶل اۋدانىندا پروكۋراتۋرانىڭ ٷيلەستٸرۋٸمەن جەنە ۇقك دەپارتامەنتٸ قىزمەتكەرلەرٸنٸڭ قاتىسۋىمەن "سكوروست" تٷرٸندەگٸ سينتەتيكالىق ەسٸرتكٸنٸ جەتكٸزۋ ارناسى توقتاتىلدى. بۇل تۋرالى باس پروكۋراتۋرانىڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
"تەرەڭكٶل اۋدانى پروكۋراتۋراسىنىڭ ٷيلەستٸرۋٸمەن ۇقكد قىزمەتكەرلەرٸ اۋدان اۋماعىنا سينتەتيكالىق ەسٸرتكٸ زاتتارىن جەتكٸزۋ ارناسىن ەشكەرەلەدٸ. جەدەل ٸس-شارالار بارىسىندا ەسٸرتكٸ زاتتارىن ساقتادى دەگەن كٷدٸكپەن تەرەڭكٶل اۋىلىنىڭ تۇرعىنى سوت سانكتسيياسىمەن قاماۋعا الىندى", – دەلٸنگەن حابارلامادا.
تەرگەۋ مەلٸمەتٸنشە, ەسٸرتكٸ ساتۋ ينتەرنەت ارقىلى جٷزەگە اسىرىلىپ وتىرعان. بۇل قىلمىس اۋدان اۋماعىندا ەرەكەت ەتەتٸن ٸرٸ ەسٸرتكٸ دٷكەنٸنٸڭ مٷددەسٸنە جۇمىس ٸستەگەن.
نەتيجەسٸندە تاراتۋعا دايىن 50 دوزا ەسٸرتكٸ زاتى تەركٸلەندٸ.
اتالعان دەرەك بويىنشا قر قك 297-بابىنىڭ 3-بٶلٸگٸ (ەسٸرتكٸ قۇرالدارىن, پسيحوتروپتىق زاتتاردى, ولاردىڭ انالوگتارىن ٶتكٸزۋ ماقساتىندا زاڭسىز يەمدەنۋ, ساقتاۋ, تاسىمالداۋ, جٶنەلتۋ نە ٶتكٸزۋ) بويىنشا سوتقا دەيٸنگٸ تەرگەۋ باستالدى.
