سوڭعى جىلدارى تاۋلى ايماقتارداعى مۇز بەن جاۋىن-شاشىن دەڭگەيىنىڭ تومەندىگىنەن تۇركىستان وبلىسى اۋماعىندا اعىن سۋ جەتىسپەۋشىلىگى بايقالۋدا. اتالعان ماسەلە شارۋالارعا ەگىن ەگۋدە ءتيىمدى جولداردى قاراستىرۋ قاجەت ەكەنىن كورسەتىپ وتىر، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

وتىرار اۋدانىنداعى قارعالى اۋىلىندا شارۋالاردى قاجەتتى اعىن سۋمەن تولىق قامتاماسىز ەتۋ جىل سايىن وزەكتى ماسەلەگە اينالىپ كەلگەن ەدى.

ونسىز دا اعىن سۋدى كوپ قاجەت ەتەتىن قاۋىن، جۇگەرى، جوڭىشقا سەكىلدى ەگىستىكتەردەن مول ءونىم الۋ مۇمكىندىگى از ەكەنى ايتپاسا دا تۇسىنىكتى جايت.

وسى جاعدايلاردى ەسكەرە وتىرىپ، اۋدان اكىمى ساكەن سۇلتانحانوۆ سۋدى كوپ قاجەت ەتپەيتىن جانە عىلىممەن نەگىزدەمەسى ناقتىلانعان ءونىم تۇرلەرىن ءوسىرۋدى ۇسىنعان بولاتىن.

اتالعان جايتقا بايلانىستى وتىرارلىق ديقاندار بيىل جاز ايلارىندا سۋ تاپشىلىعىنىڭ سالدارىنان بوس جاتقان 160 گەگتار القاپقا  كۇزگى بيداي ەگۋدى قولعا العان بولاتىن.

كۇز جانە كوكتەمگى مەزگىلدە مول اعىن سۋدى ءتيىمدى پايدالانعان «ءبىرجان-2» ج ش س، «اقساقال»، «ساعىندىق-م»، «ءاشىرباي» شارۋا قوجالىقتارى اڭقاسى كەپكەن دالانى جاسىل جەلەككە بولەپ، مول ءونىم الۋدى كوزدەپ وتىر. قازىرگى تاڭدا تەحنيكالاردىڭ دايىندىعىن پىسىقتاعان ديقاندار ءونىمدى الداعى بىرنەشە كۇن ىشىندە تولىق جيناپ بىتىرمەك.

تىڭ تاجىريبەگە اۋدانداعى وزگە اۋىل وكرۋگتەرىنىڭ ديحاندارى قىزىعۋشىلىق تانىتسا، ماماندار بۇل جوبانىڭ سۋ تاپشىلىعىن جويۋدىڭ ەڭ ءتيىمدى ءادىسى رەتىندە باعالاپ وتىر.

وسى ماقساتتا اۋدان اكىمى ساكەن اسىلحان ۇلى بيداي القابىنا ارنايى بارىپ، شارۋالاردىڭ جاي-كۇيىمەن تانىستى.

بيداي شىعىمىن كوزبەن كورگەن اۋدان باسشىسى شارۋالارعا ريزاشىلىعىن جەتكىزىپ، اۋىل وكرۋگىندەگى باسقا دا ديقانداردى اعىن سۋدى از قاجەت ەتەتىن ەگىستىكپەن اينالىسۋعا شاقىرىپ، الداعى ۋاقىتتا تۋىنداۋى ىقتيمال ماسەلەلەردى تالقىلادى.

باستاما كوتەرگەن اۋدان اكىمىنە ريزاشىلىقتارىن جەتكىزگەن ديقاندار وسى جىلى العا قويعان ماقساتتارى تولىق ورىندالسا، بيداي القابىن ودان ءارى كەڭەيتۋگە نيەتتى ەكەندەرىن جەتكىزدى.