Otyrar aýdanyndaǵy Qarǵaly aýylynda sharýalardy qajetti aǵyn sýmen tolyq qamtamasyz etý jyl saiyn ózekti máselege ainalyp kelgen edi.
Onsyz da aǵyn sýdy kóp qajet etetin qaýyn, júgeri, jońyshqa sekildi egistikterden mol ónim alý múmkindigi az ekeni aitpasa da túsinikti jait.
Osy jaǵdailardy eskere otyryp, aýdan ákimi Sáken Sultanhanov sýdy kóp qajet etpeitin jáne ǵylymmen negizdemesi naqtylanǵan ónim túrlerin ósirýdi usynǵan bolatyn.
Atalǵan jaitqa bailanysty otyrarlyq diqandar biyl jaz ailarynda sý tapshylyǵynyń saldarynan bos jatqan 160 gegtar alqapqa kúzgi bidai egýdi qolǵa alǵan bolatyn.
Kúz jáne kóktemgi mezgilde mol aǵyn sýdy tiimdi paidalanǵan «Birjan-2» JShS, «Aqsaqal», «Saǵyndyq-M», «Áshirbai» sharýa qojalyqtary ańqasy kepken dalany jasyl jelekke bólep, mol ónim alýdy kózdep otyr. Qazirgi tańda tehnikalardyń daiyndyǵyn pysyqtaǵan diqandar ónimdi aldaǵy birneshe kún ishinde tolyq jinap bitirmek.
Tyń tájiribege aýdandaǵy ózge aýyl okrýgteriniń dihandary qyzyǵýshylyq tanytsa, mamandar bul jobanyń sý tapshylyǵyn joiýdyń eń tiimdi ádisi retinde baǵalap otyr.
Osy maqsatta aýdan ákimi Sáken Asylhanuly bidai alqabyna arnaiy baryp, sharýalardyń jai-kúiimen tanysty.
Bidai shyǵymyn kózben kórgen aýdan basshysy sharýalarǵa rizashylyǵyn jetkizip, aýyl okrýgindegi basqa da diqandardy aǵyn sýdy az qajet etetin egistikpen ainalysýǵa shaqyryp, aldaǵy ýaqytta týyndaýy yqtimal máselelerdi talqylady.
Bastama kótergen aýdan ákimine rizashylyqtaryn jetkizgen diqandar osy jyly alǵa qoiǵan maqsattary tolyq oryndalsa, bidai alqabyn odan ári keńeitýge nietti ekenderin jetkizdi.
