دەپۋتات اسان ارالبايدىڭ ءتوراعالىق ەتۋىمەن وتكەن سەسسيانىڭ كۇن تارتىبىنە وتىرار اۋداندىق ءماسليحاتىنىڭ 2017 جىلعى 22 جەلتوقسانداعى №22/106-Vءى «2018-2020 جىلدارعا ارنالعان اۋداندىق بيۋدجەت تۋرالى» شەشىمىنە وزگەرىستەر ەنگىزۋ تۋرالى ماسەلە قويىلدى.
سەسسيادا اۋداندىق ەكونوميكا جانە قارجى ءبولىمىنىڭ باسشىسى ە.بەيسەنوۆا حابارلاما جاساپ، ەنگىزىلگەن وزگەرىستەر مەن تولىقتىرۋلاردى سارالاپ شىقتى. اتالعان ماسەلە بويىنشا تۇراقتى كوميسسيانىڭ وتىرىسىندا باياندالىپ، جان-جاقتى تالقىلانعاندىقتان دەپۋتاتتار ءبىراۋىزدان قولداپ، شەشىم قابىلدادى.
«قىستىڭ قامىن، جاز ويلا» دەگەن دانا حالقىمىز. اۋدانىمىزداعى مەملەكەتتىك مەكەمەلەر كومىرىن ەرتە قامداپ، جەكە تۇرعىن ءۇي يەلەرى دە قىستىڭ قامىن جاساپ ۇلگەردى. ورتالىقتاعى 24 كوپقاباتتى ۇيلەر دە جىلۋمەن قامتىلعان. اتالعان ۇيلەر جەر استى تەرمالدى ىستىق سۋلارعا قوسىلعان. وتكەن جىلى قىستىڭ قاھارى تەرمالدى ىستىق سۋدىڭ ءبىراز تۇرعىن ۇيلەردى جىلىتۋعا قاۋھارى جەتپەيتىنىن كورسەتكەن ەدى. بيىل وسى شارالاردىڭ الدىن الۋ ءۇشىن تۇرعىن ۇيلەردەن وزگە نىسانداردى ىستىق سۋدان اجىراتۋ تۋرالى شەشىم قابىلدانعان بولاتىن. ياعني تەرمالدى سۋدىڭ بارلىق جۇكتەمەسىن تەك وسى كوپقاباتتى تۇرعىن ۇيلەردى جىلىتۋعا جۇمساۋ. سەسسيا بارىسىندا وسى جونىندە بايانداعان اۋدان اكىمىنىڭ ورىنباسارى ءابدىعالي ءجۇنىسوۆ ىستىق سۋدى پايدالانىپ وتىرعان وزگە كوممەرسيالىق نىسانداردىڭ يەلەرىنە الدىن الا حابارلانىپ، ەسكەرتىلگەنىن تىلگە تيەك ەتتى.
سونداي-اق، تۇرعىن ۇيلەرگە باراتىن ىستىق سۋ تەمپەراتۋراسىن انىقتاپ، ونى ودان ءارى ارتتىرۋ جۇمىستارىنا قارجى قاراۋدى سۇرادى. ءوز كەزەگىندە دەپۋتاتتار اتالعان ماسەلەنىڭ ماڭىزدىلىعىن ەسكەرە وتىرىپ، ءبىراۋىزدان شەشىم قابىلدادى.
سەسسيادا ءسوز العان اۋدان اكىمى ەرلان ايتاحانوۆ الدا ءبىرقاتار جاۋاپتى مىندەتتەردىڭ تۇرعانىن ايتىپ، ەلدىمەكەندەردى گازداندىرۋ، جىلۋ، اۋىز سۋمەن قامتاماسىز ەتۋ ماسەلەلەرىندە دەپۋتاتتىق كورپۋستى بىرلەسە جۇمىس جاساۋعا شاقىردى. سونداي-اق، اۋدان باسشىسى اۋداندىق ورتالىق اۋرۋحانانىڭ جاڭا باسشىسى رايىمبەك تاسىربايەۆتى تانىستىرىپ، جۇمىسىنا ساتتىلىك تىلەدى.
Dalanews.kz
