كءۇز مەزگىلىندە ءداستۇرءلى تۇردە وتباسى بانكتەگى ("بايتەرەك" حولدينگىنىڭ ەنشىلەس ۇيىمى) دەپوزيتتەرگە تۇسەتىن سالىمداردىڭ كولەمى ارتادى. بۇل كۇنتىزبەلىك جىلدىڭ اياقتالۋىنا بايلانىستى، ونىڭ قورىتىندىسى بويىنشا ءاربىر سالىمشىعا بانكتىڭ سىياقىسىنان باسقا مەملەكەت سىيلىقاقىسى ەسەپتەلەدى.

مەملەكەت سىيلىقاقىسى دەگەنىمىز نە جانە ول كىمگە تولەنۋى ءتيىس؟

مەملەكەتتىك سىيلىقاقى – تۇرعىن ءۇي جاعدايلارىن جاقسارتۋ ماقساتىندا قازاقستان رەسپۋبليكاسىنىڭ ازاماتتارىنا جىل سايىن بولىنەتىن مەملەكەتتىك قولداۋ شاراسى. "تۇرعىن ءۇي قۇرىلىسى جيناق اقشاسى تۋرالى" زاڭعا سايكەس سالىمشىنىڭ تاڭداۋى بويىنشا مەملەكەتتىك سىيلىقاقى تەك ءبىر تۇرعىن ءۇي قۇرىلىس جيناق بانكىندەگى ءبىر شوتقا عانا ەسەپتەلەدى.

قازاقستاندا بۇل جۇيەنى وتباسى بانك جۇزەگە اسىرادى. سوندىقتان ونىڭ سالىمشىلارى جىل سايىن مەملەكەتتەن بونۋس الادى.

تۇرعىن ءۇي قۇرىلىسى جيناق اقشاسى جۇيەسىنە قاتىسۋشىلار مەملەكەتتەن قانشا سوما الادى؟

مەملەكەت سىيلىقاقىسى 200 اەك-تەن اسپايتىن سوماعا 20% مولشەرىندە ەسەپتەلەدى. 2024 جىلى بۇل – 738 400 تەڭگە.

ەگەر كليەنت كۇنتىزبەلىك جىل ىشىندە وسى قاراجاتتى ءوز دەپوزيتىندە جيناقتاسا نەمەسە ونى بىردەن شوتقا تولىقتىرسا، وندا 2024 جىلدىڭ قورىتىندىسى بويىنشا ول ەڭ جوعارى سىيلىقاقىنى – 147 680 تەڭگەنى الادى.

مەملەكەتتەن 20% كولەمىندە بونۋس الۋ ءۇشىن وتباسى بانكتءىڭ سالىمشىلارى اعىمداعى جىلدىڭ 31 جەلتوقسانىنا دەيىن ءوز دەپوزيتتەرىن تولىقتىرىپۇلگەرۋى ءتيىس.

دەپوزيتتى تولىقتىرۋ مەرزىمى ماڭىزدى ەمەس. ياعني سالىمشى دەپوزيتتى اي سايىن – قاڭتاردان جەلتوقساندى قوسا العانعا دەيىن تولىقتىرا الادى نەمەسە ءوزىنىڭ جيناق شوتىنا بەلگىلى ءبىر سومانى ءبىر رەت ەنگىزە الادى.  

جاڭا كليەنت ءوز سالىمىن ءقازىر اشىپ، ونى جىل سوڭىنا دەيىن تولىقتىرعان جاعدايدا دا مەملەكەتتىك سىيلىقاقىنى الادى.

مەملەكەتتىك سىيلىقاقى ءار دەپوزيتكە تاعايىندالا ما؟

مەملەكەتتىك سىيلىقاقى وتباسى بانكىندە اشىلعان ءبىر سالىمشىنىڭ ءبىر سالىمى ءۇشىن تاعايىندالادى. ەگەر ءبىر سالىمشىنىڭ وتباسى بانكىندە بىرنەشە سالىمى ياعني بىرنەشە دەپوزيتى بولسا، وندا مەملەكەتتىك سىيلىقاقى ولاردىڭ بىرەۋىنە عانا ەسەپتەلەدى.

ءسىز Otbasy bank Lite ءموبيلدى قوسىمشاسىندا مەملەكەتتىك سىيلىقاقى قاي دەپوزيتكە ەسەپتەلەتىنىن تەكسەرىپ، قاجەت بولعان جاعدايدا ونى اۋىستىرا الاسىز.

مەملەكەتتىك سىيلىقاقى وتكەن جىلداردا دەپوزيتتە جينالعان قاراجاتقا ەسەپتەلە مە؟

مەملەكەتتىك سىيلىقاقى بۇرىن سىيلىقاقىمەن ماراپاتتالماعان سوماعا عانا تاعايىندالادى. ياعني، جىل سايىن اعىمداعى جىلى تولىقتىرىلعان جاڭا جيناقتار مەن وتكەن جىلى ماراپاتتالماعان جيناقتاردىڭ قالدىعى ەسەپكە الىنادى.

مەملەكەتتىك سىيلىقاقى قانداي جاعدايلاردا بيۋدجەتكە قايتارىلادى؟

- ەگەر سالىمشى تۇرعىن ءۇي قۇرىلىسى جيناقاقشاسىن ءۇش جىلدان از ۋاقىت جيناسا جانە تۇرعىن ءۇيقۇرىلىس جيناقتارى تۋرالى شارتتى مەرزىمىنەن بۇرىن بۇزسا؛

- ەگەر سالىمشى تۇرعىن ءۇي قۇرىلىس جيناقتارىتۋرالى شارت بويىنشا قۇقىقتارىن، ياعني دەپوزيتىنقازاقستان رەسپۋبليكاسىنىڭ ازاماتى بولىپتا بىلمايتىن تۇلعاعا بەرسە؛

- اقشا ءۇش جىلدان كەم ۋاقىت بويى جينالعان كەزدە،نەسيە بەرىلگەن كۇننەن باستاپ كۇنتىزبەلىك ون ءتورت كۇنىشىندە قارىزدى قايتارعان جاعدايدا.

وتباسى بانكتءىڭ دەپوزيتتىك بازاسى جىل سايىن ءوسىپكەلەدى جانە بۇل حالىقتىڭ تۇرعىن ءۇي قۇرىلىسى جيناقجۇيەسىنە دەگەن سەنىمىن كورسەتەدى. ءقازىرگى تاڭدا بانكتە2،8 ميلليونعا جۋىق جيناق شوتتارى اشىلعان. جىلدىق2% مولشەرىندەگى سىياقىنى جانە 20% مولشەرىندەگى مەملەكەتتىك سىيلىقاقىنى ەسكەرە وتىرىپ، سالىمدار بويىنشا ءتيىمدى سىياقى مولشەرلەمەسى – جىلدىق 2،4%-دان 17،1%-عا دەيىن (مەملەكەت سىيلىقاقىسىن ەسكەرگەندە).