Kúz mezgilinde dástúrli túrde Otbasy banktegi ("Báıterek" holdıńiniń enshiles uıymy) depozıtterge túsetin salymdardyń kólemi artady. Bul kúntizbelik jyldyń aıaqtalýyna baılanysty, onyń qorytyndysy boıynsha árbir salymshyǵa banktiń syıaqysynan basqa memleket syılyqaqysy esepteledi.
Memleket syılyqaqysy degenimiz ne jáne ol kimge tólenýi tıis?
Memlekettik syılyqaqy – turǵyn úı jaǵdaılaryn jaqsartý maqsatynda Qazaqstan Respýblıkasynyń azamattaryna jyl saıyn bólinetin memlekettik qoldaý sharasy. "Turǵyn úı qurylysy jınaq aqshasy týraly" zańǵa sáıkes salymshynyń tańdaýy boıynsha memlekettik syılyqaqy tek bir turǵyn úı qurylys jınaq bankindegi bir shotqa ǵana esepteledi.
Qazaqstanda bul júıeni Otbasy bank júzege asyrady. Sondyqtan onyń salymshylary jyl saıyn memleketten bonýs alady.
Turǵyn úı qurylysy jınaq aqshasy júıesine qatysýshylar memleketten qansha soma alady?
Memleket syılyqaqysy 200 AEK-ten aspaıtyn somaǵa 20% mólsherinde esepteledi. 2024 jyly bul – 738 400 teńge.
Eger klıent kúntizbelik jyl ishinde osy qarajatty óz depozıtinde jınaqtasa nemese ony birden shotqa tolyqtyrsa, onda 2024 jyldyń qorytyndysy boıynsha ol eń joǵary syılyqaqyny – 147 680 teńgeni alady.
Memleketten 20% kóleminde bonýs alý úshin Otbasy banktiń salymshylary aǵymdaǵy jyldyń 31 jeltoqsanyna deıin óz depozıtterin tolyqtyrypúlgerýi tıis.
Depozıtti tolyqtyrý merzimi mańyzdy emes. Iaǵnı salymshy depozıtti aı saıyn – qańtardan jeltoqsandy qosa alǵanǵa deıin tolyqtyra alady nemese óziniń jınaq shotyna belgili bir somany bir ret engize alady.
Jańa klıent óz salymyn qazir ashyp, ony jyl sońyna deıin tolyqtyrǵan jaǵdaıda da memlekettik syılyqaqyny alady.
Memlekettik syılyqaqy ár depozıtke taǵaıyndala ma?
Memlekettik syılyqaqy Otbasy Bankinde ashylǵan bir salymshynyń bir salymy úshin taǵaıyndalady. Eger bir salymshynyń Otbasy bankinde birneshe salymy ıaǵnı birneshe depozıti bolsa, onda memlekettik syılyqaqy olardyń bireýine ǵana esepteledi.
Siz Otbasy bank Lite mobıldi qosymshasynda memlekettik syılyqaqy qaı depozıtke esepteletinin tekserip, qajet bolǵan jaǵdaıda ony aýystyra alasyz.
Memlekettik syılyqaqy ótken jyldarda depozıtte jınalǵan qarajatqa eseptele me?
Memlekettik syılyqaqy buryn syılyqaqymen marapattalmaǵan somaǵa ǵana taǵaıyndalady. Iaǵnı, jyl saıyn aǵymdaǵy jyly tolyqtyrylǵan jańa jınaqtar men ótken jyly marapattalmaǵan jınaqtardyń qaldyǵy esepke alynady.
Memlekettik syılyqaqy qandaı jaǵdaılarda búdjetke qaıtarylady?
- eger salymshy turǵyn úı qurylysy jınaqaqshasyn úsh jyldan az ýaqyt jınasa jáne turǵyn úıqurylys jınaqtary týraly shartty merziminen buryn buzsa;
- eger salymshy turǵyn úı qurylys jınaqtarytýraly shart boıynsha quqyqtaryn, ıaǵnı depozıtinQazaqstan Respýblıkasynyń azamaty bolypta bylmaıtyn tulǵaǵa berse;
- aqsha úsh jyldan kem ýaqyt boıy jınalǵan kezde,nesıe berilgen kúnnen bastap kúntizbelik on tórt kúnishinde qaryzdy qaıtarǵan jaǵdaıda.
Otbasy banktiń depozıttik bazasy jyl saıyn ósipkeledi jáne bul halyqtyń turǵyn úı qurylysy jınaqjúıesine degen senimin kórsetedi. Qazirgi tańda bankte2,8 mıllıonǵa jýyq jınaq shottary ashylǵan. Jyldyq2% mólsherindegi syıaqyny jáne 20% mólsherindegi memlekettik syılyqaqyny eskere otyryp, salymdar boıynsha tıimdi syıaqy mólsherlemesi – jyldyq 2,4%-dan 17,1%-ǵa deıin (memleket syılyqaqysyn eskergende).
