وتاردا كوماعا تٷسكەن 19 جاستاعى مەرزٸمدٸ سارباز ەسٸن جيدى. بۇل تۋرالى ەسكەري قىزمەتشٸنٸڭ تۋىستارى ەلەۋمەتتٸك جەلٸدە ايتتى, - دەپ حابارلايدى Dalanews.kz.
"ۇلىمىز كومادان شىققانى تۋرالى قۋانىشتى جاڭالىقتى جەتكٸزۋگە اسىقپىز! قازٸر دەرٸگەرلەردٸڭ ايتۋىنشا, ول ساڭىراۋ كٷيدە. ول بٸزدٸ تانيدى, بٸراق بۇرىن جاسالعان تراحەوستوميياعا بايلانىستى ەلٸ سٶيلەي المايدى. بٸراق جاعدايى اۋىر, دياليز جاسالادى, ول شامامەن 6-8 ساعاتقا سوزىلادى. ...دەرٸگەرلەر قولدان كەلگەننٸڭ بەرٸن جاسادى, ولارعا ەرەكشە العىس", - دەدٸ تيمۋر جانالين.
ايتا كەتەيٸك, بۇعان پرەزيدەنت قاسىم-جومارت توقاەۆ وتاردا ەسكەري بورىشىن ٶتەپ جٷرگەن ساربازدىڭ كوماعا تٷسۋٸنە بايلانىستى كٸنەلٸلەردٸ جازالاۋدى تاپسىردى. بۇل تۋرالى پرەزيدەنتٸ كەڭەسشٸسٸ – پرەزيدەنتتٸڭ باسپاسٶز حاتشىسى بەرٸك ۋەلي مەلٸمدەدٸ.
مەملەكەت باسشىسى قاسىم-جومارت توقاەۆ جامبىل وبلىسى وتار اۋىلىنداعى ەسكەري بٶلٸمدە مەرزٸمدٸ قىزمەتٸن ٶتەپ جاتقان ساربازدىڭ كوماعا تٷسۋٸنە قاتىستى اناسىنىڭ ەلەۋمەتتٸك جەلٸلەردە جارييالاعان ٷندەۋٸمەن تانىسقان.
"مەملەكەت باسشىسى بولعان وقيعانىڭ مەن-جايىن مۇقييات زەرتتەپ, كٸنەلٸ ادامداردى جازالاۋدى تالاپ ەتتٸ. پرەزيدەنت قورعانىس مينيسترٸنە ارمييادا مۇنداي جاعدايعا جول بەرمەۋ قاجەت ەكەنٸن ەسكەرتٸپ, تەرگەۋ امالدارىن باقىلاۋعا الۋدى تاپسىردى", - دەپ جازىلعان حابارلامادا.
