Otarda komaǵa túsken 19 jastaǵy merzimdi sarbaz esin jıdy. Bul týraly áskerı qyzmetshiniń týystary áleýmettik jelide aıtty, - dep habarlaıdy Dalanews.kz.
"Ulymyz komadan shyqqany týraly qýanyshty jańalyqty jetkizýge asyqpyz! Qazir dárigerlerdiń aıtýynsha, ol sańyraý kúıde. Ol bizdi tanıdy, biraq buryn jasalǵan traheostomıaǵa baılanysty áli sóıleı almaıdy. Biraq jaǵdaıy aýyr, dıalız jasalady, ol shamamen 6-8 saǵatqa sozylady. ...Dárigerler qoldan kelgenniń bárin jasady, olarǵa erekshe alǵys", - dedi Tımýr Janalın.
Aıta keteıik, buǵan Prezıdent Qasym-Jomart Toqaev Otarda áskerı boryshyn ótep júrgen sarbazdyń komaǵa túsýine baılanysty kinálilerdi jazalaýdy tapsyrdy. Bul týraly Prezıdenti keńesshisi – Prezıdenttiń baspasóz hatshysy Berik Ýálı málimdedi.
Memleket basshysy Qasym-Jomart Toqaev Jambyl oblysy Otar aýylyndaǵy áskerı bólimde merzimdi qyzmetin ótep jatqan sarbazdyń komaǵa túsýine qatysty anasynyń áleýmettik jelilerde jarıalaǵan úndeýimen tanysqan.
"Memleket basshysy bolǵan oqıǵanyń mán-jaıyn muqıat zerttep, kináli adamdardy jazalaýdy talap etti. Prezıdent Qorǵanys mınıstrine armıada mundaı jaǵdaıǵa jol bermeý qajet ekenin eskertip, tergeý amaldaryn baqylaýǵa alýdy tapsyrdy", - dep jazylǵan habarlamada.
