الماتى ەكٸمٸ دارحان ساتىبالدى جۇمىس ساپارى بارىسىندا قالانىڭ نەگٸزگٸ جىلۋمەن قامتۋ نىساندارىنىڭ جاعدايىمەن تانىستى. ارالاۋ كەزٸندە وڭتٷستٸك اۋداندىق قازاندىق, «وربيتا» قازاندىعى جەنە ەۋەزوۆ اۋدانىنداعى جىلۋ جەلٸلەرٸن قايتا جاڭعىرتۋ اۋماعى تەكسەرٸلدٸ, دەپ حابارلايدى dalanews.kz.
العاشقى نىسان – قوجانوۆ كٶشەسٸندەگٸ وڭتٷستٸك اۋداندىق قازاندىق. ول 1 553 نىساندى, ونىڭ ٸشٸندە 356 كٶپپەتەرلٸ تۇرعىن ٷي مەن 16 بٸلٸم بەرۋ نىسانىن جىلۋمەن قامتاماسىز ەتەدٸ. قايتا جاڭعىرتۋ اياسىندا مۇندا ٷش قازاندىق اۋىستىرىلىپ, تاعى بٸرەۋٸ جاڭارتىلدى, سونداي-اق قوسالقى جابدىقتار جاڭعىرتىلدى. جوبانى ٸسكە اسىرۋ قازاندىقتىڭ قۋاتىن ساعاتىنا 55 گكال-عا ارتتىرىپ, شامامەن 200 مىڭ تۇتىنۋشىنى جىلۋمەن قامتۋدىڭ سەنٸمدٸلٸگٸن كٷشەيتۋگە مٷمكٸندٸك بەرەدٸ.
ودان كەيٸن دارحان ساتىبالدى «وربيتا» اۋداندىق قازاندىعىنا باردى. نىسان 1973 جىلدان بەرٸ جۇمىس ٸستەيدٸ. قازاندىققا 1 312 نىسان قوسىلعان, ونىڭ ٸشٸندە 925 كٶپپەتەرلٸ تۇرعىن ٷي, 39 بٸلٸم بەرۋ جەنە 17 دەنساۋلىق ساقتاۋ نىسانى بار. 2026 جىلى مۇندا جٶندەۋ جۇمىستارى جٷرگٸزٸلدٸ.
«باستى مٸندەت – ەڭ جوعارى جٷكتەمە كەزٸندە تۇرعىنداردى تۇراقتى جىلۋمەن قامتاماسىز ەتۋ. توزۋ دەڭگەيٸ جوعارى نىسانداردى كەزەڭ-كەزەڭٸمەن جاڭعىرتىپ, بارلىق جۇمىستى ساپالى ەرٸ بەلگٸلەنگەن مەرزٸمدە ورىنداۋ قاجەت», – دەدٸ دارحان ساتىبالدى.
جۇمىس ساپارىنىڭ سوڭعى نٷكتەسٸ ساين – مومىشۇلى – ۇلىقبەك – اباي كٶشەلەرٸ ارالىعىنداعى جىلۋ جەلٸلەرٸن قايتا جاڭعىرتۋ ۋچاسكەسٸ بولدى. جىلۋ تراسساسى 1988 جىلدان بەرٸ پايدالانىلىپ كەلەدٸ جەنە نورماتيۆتٸك پايدالانۋ مەرزٸمٸن ٶتەگەن. سوڭعى ٷش جىلدا مۇندا 10 زاقىمدانۋ دەرەگٸ تٸركەلگەن. قازٸر نىساننىڭ دايىندىعى 80%-عا جەتتٸ, بيىل شامامەن 120 مەتر جىلۋ جەلٸسٸ اۋىستىرىلدى. جاڭعىرتۋ اياقتالعاننان كەيٸن 45 كٶپپەتەرلٸ تۇرعىن ٷيدٸڭ, 15 ٶزگە نىساننىڭ جەنە بٸر بالاباقشانىڭ جىلۋمەن قامتىلۋ سەنٸمدٸلٸگٸ ارتادى.
نىساندا تۇرعىندارمەن كەزدەسۋ دە ٶتتٸ. قالا تۇرعىندارى قالالىق ينفراقۇرىلىمعا قاتىستى سۇراعى مەن ۇسىنىسىن ايتتى. كەزدەسۋ قورىتىندىسىندا تيٸستٸ قىزمەتتەرگە ناقتى تاپسىرما بەرٸلدٸ.
جالپى, 2026 جىلى الماتىدا 20,1 شاقىرىم جىلۋ جەلٸسٸن قايتا جاڭعىرتۋ جەنە جٶندەۋ جۇمىستارى جٷرگٸزٸلٸپ جاتىر. ونىڭ 15,8 شاقىرىمى اياقتالدى.
