باتىس قازاقستان وبلىسىندا 18 جاستاعى نەمەرە ٸنٸسٸن ٶلتٸرٸپ, مەيٸتٸن جاسىرعان 26 جاستاعى ەر ادام 12 جىلعا سوتتالدى. قىلمىستان كەيٸن ول سەگٸز كٷن بويى تۋىستارىمەن بٸرگە مارقۇمدى ٸزدەۋگە قاتىسىپ, ونىڭ جوعالعانى تۋرالى ەلەۋمەتتٸك جەلٸدە جازبالار جارييالاعان, دەپ حابارلايدى dalanews.kz.
كريمينالنىي كازاحستان مەلٸمەتٸنشە, وقيعا 19 مامىرعا قاراعان تٷنٸ جەنٸبەك اۋدانىندا بولعان. بٸرگە ٸشٸمدٸك ٸشٸپ وتىرعان تۋىستار اراسىندا جانجال تۋىنداپ, ايىپتالۋشى اسٷي پىشاعىمەن 18 جاستاعى جٸگٸتكە كەمٸندە 15 رەت جاراقات سالعان. سونداي-اق ونى سوققىعا جىققان. العان جاراقاتتارىنان جاس جٸگٸت وقيعا ورنىندا كٶز جۇمدى.
وسىدان كەيٸن ەر ادام مارقۇمنىڭ دەنەسٸن ٷيدٸڭ ارتىنداعى قوقىس شۇڭقىرىنا كٶمٸپ, ۇيىقتاۋعا كەتكەن. كەيٸن سەگٸز كٷن بويى وتباسى مٷشەلەرٸنٸڭ قاسىندا جٷرٸپ, جوعالعان تۋىسىن ٸزدەسكەن. تٸپتٸ ەلەۋمەتتٸك جەلٸگە ونى تابۋعا كٶمەكتەسۋدٸ سۇراعان جازبالار جارييالاعان. وسى ۋاقىت ٸشٸندە مەيٸت ٷيدٸڭ ماڭىندا جاسىرىن جاتقان.
قىلمىستىڭ مەن-جايى كۋەگەرلەردٸڭ بەرگەن ايعاقتارى ارقىلى انىقتالعان.
سوت ەر ادامدى ادام ٶلتٸرگەنٸ ٷشٸن كٸنەلٸ دەپ تانىپ, ورتاشا قاۋٸپسٸزدٸك دەڭگەيٸندەگٸ تٷزەۋ مەكەمەسٸندە 12 جىل باس بوستاندىعىنان ايىرۋ جازاسىن تاعايىندادى. سونىمەن قاتار ول الكوگوليزم مەن ەسٸرتكٸگە تەۋەلدٸلٸكتەن مەجبٷرلٸ تٷردە ەمدەلۋگە مٸندەتتەلدٸ.
سوتتالعان ازامات مارقۇمنىڭ وتباسىنا مورالدىق زييان ٷشٸن 12 ملن تەڭگە ٶتەماقى تٶلەۋگە تيٸس.
قازا بولعان جٸگٸتتٸڭ اناسى تاعايىندالعان جازانى تىم جەڭٸل دەپ سانايدى. ول ايىپتالۋشىنى كەمٸندە 20 جىلعا باس بوستاندىعىنان ايىرۋدى سۇراعان.
سوت ٷكٸمٸ ەزٸرگە زاڭدى كٷشٸنە ەنگەن جوق.
