ارابتىڭ Abu Dhabi Commercial Bank-ٸ (ADCB) قازاقستاندا ەمبەباپ بانك ليتسەنزيياسىن العاننان كەيٸن جاڭاسىن ٶزٸنٸڭ وسىنداعى "ەنشٸلەسٸ" - ADCB Islamic Bank-پەن بٸرٸكتٸرمەك نيەتتە, دەپ حابارلايدى Dalanews.kz.
بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ (قنردا) باسشىسى مەدينا ەبٸلقاسىموۆا Kapital.kz-عا بەرگەن سۇقباتىندا ايتتى.
"ارابتىڭ Abu Dhabi Commercial Bank-ٸ (ADCB) قازاقستاندا ەمبەباپ بانك ليتسەنزيياسىن الۋعا ٶتكەن جىلى قىزىعۋشىلىق بٸلدٸرگەن. قازٸر ونىڭ قازاقستاندا ADCB Islamic Bank اتتى ەنشٸلەسٸ بار. ەمبەباپ بانك ليتسەنزيياسىن الۋ ٷشٸن تيٸستٸ دايىندىقتار جٷرگٸزٸلۋدە, قۇجاتتاردى جيناۋ جەنە ت. ب. دەگەندەي", - دەيدٸ مەدينا ەبٸلقاسىموۆا.
اگەنتتٸك تٶراعاسى شەتەلدٸك بانكتٸڭ نەگە ەمبەباپ بانك ليتسەنزيياسىنا تاڭداۋى تٷسٸپ وتىرعانىن دا تٷسٸندٸرە كەتتٸ.
"بانك ٶزٸنٸڭ بيزنەس-ستراتەگيياسىن ٶزگەرتتٸ, قازاقستان ورتالىق ازيياداعى بانكتٸڭ قارجىلىق قىزمەتتەرٸن كەڭەيتۋ ٷشٸن ٶسٸم نٷكتەسٸ رەتٸندە ايقىندالىپ وتىر", - دەپ اتاپ ٶتتٸ ول.
مەدينا ەبٸلقاسىموۆا ليتسەنزييانى العاننان كەيٸن ADCB جاڭا ەمبەباپ بانك پەن قازاقستانداعى يسلام بانكتٸ بٸرٸكتٸرۋدٸ قاراستىراتىن دا ناقتىلايدى.
"بۇل كەلەسٸ جىلى جاسالۋى مٷمكٸن, سول كەزدە" بانكتەر تۋرالى" جاڭا زاڭ قابىلدانادى", - دەگەن ول ەكٸ بانك بٸرٸكتٸرٸلگەننەن كەيٸن ADCB "يسلام تەرەزەسٸن" اشا الاتىنىنا نازار اۋداردى.
"مۇنداي جۇمىس فورماتىنىڭ بٸرنەشە ارتىقشىلىعى بار. بٸرٸنشٸدەن, كاپيتال مٶلشەرٸ. بٸزدە يسلام بانكٸ مەن ليتسەنزيياسى بار ەمبەباپ بانكتەر كاپيتالىنا قويىلاتىن تالاپتار بٸردەي. سوندىقتان اكتسيونەرلەرگە "يسلام تەرەزەسٸ" بار بٸر بانك اشىپ, ونى كاپيتالداندىرۋ تيٸمدٸرەك بولادى, ياعني كاپيتالدى ەكٸ بانككە "قۇيىپ" جاتقاننان گٶرٸ. ەكٸنشٸدەن, ەكٸ بانكتٸڭ ورنىنا "يسلام تەرەزەسٸ" بار بٸرەۋٸن ۇستاعان وڭاي بولادى. بۇل ارادا پەرسونالداردى تارتۋ, اقپاراتتىق جٷيەلەر جەنە وپەراتسييالىق شىعىندار جايىن ايتىپ وتىرمىن", - دەپ اتاپ ٶتتٸ مەدينا ەبٸلقاسىموۆا.
سونداي-اق ول شىعىس ەۋروپا بانكتەرٸنٸڭ بٸرٸ قازاقستاندا ەدب ساتىپ الۋدى جوسپارلاپ وتىرعانىن راستادى.
"بٸز ساتىپ الۋشى بانكتٸڭ اتىن اتاي المايمىز, ٶيتكەنٸ ول اقپاراتتى جارييا ەتۋگە رۇقسات ەتٸلمەگەن. بۇل اقپارات 2025 جىلدىڭ سوڭىندا نەمەسە 2026 جىلدىڭ باسىندا جارييا بولىپ قالادى دەپ ٷمٸتتەنەمٸن ", - دەدٸ اگەنتتٸك باسشىسى.
"شىعىس ەۋروپا بانكتەرٸنٸڭ بٸرٸ قازاقستاندا ساتىپ العىسى كەلٸپ وتىرعان بانك شاعىن با, ەلدە ٸرٸ مە" دەگەن ساۋالعا ول بىلاي جاۋاپ قاتتى:
"ٸرٸ بانك. بٸز بۇل مەمٸلەنٸ اسىعا كٷتۋدەمٸز, ٶيتكەنٸ ول مەملەكەت باسشىسىنىڭ قازاقستاننىڭ بانك نارىعىنا ٷش شەتەلدٸك ويىنشىنى تارتۋ جٶنٸندەگٸ تاپسىرماسىن ٸسكە اسىرۋعا باعىتتالعان. بٸزدٸڭ ەلدە ەكٸ شەتەلدٸك بانك پايدا بولدى, بٸراق ولار تىم شاعىن: Bereke Bank (lesha Bank LLC (Public) ەنشٸلەس بانكٸ) جەنە BNK Commercial Bank. بٸراق ولاردىڭ ٶسۋ پەرسپەكتيۆالارى بار".
ايتا كەتسەك, 2024 جىلى Al Hilal, كەيٸنٸرەك ADCB Islamic Bank دەپ ٶزگەرتٸلگەن يسلام بانكٸنٸڭ جالعىز اكتسيونەرٸ Abu Dhabi Commercial Bank (ADCB) بولىپ تابىلادى. بۇعان دەيٸن ونىڭ قازاقستانداعى ەنشٸلەسٸ Al Hilal ارقىلى ADCB توبىنا تيەسٸلٸ بولعان. كەيٸنٸرەك بانك كورپوراتيۆتٸ كومپانييالارعا ٶنٸمدەر مەن قىزمەتتەردٸ ADCB برەندٸمەن شاريعات قاعيداتتارى بويىنشا ۇسىنۋ نيەتٸ بارىن حابارلادى. قارجىلىق توپ قازاقستاندا ورتالىق ازييا حابىن قۇرۋعا نيەتتٸ ەكەندٸگٸ دە ايتىلعان. ADCB Group ماجوريتارلىق اكتسيونەرٸ - Mubadala PJSC Investment Company (ول 60,2% اكتسييالارعا يە), ال ول – ەبۋ-دابي ٷكٸمەتٸنٸڭ تەۋەلسٸز ەل-اۋقات قورلارىنىڭ بٸرٸ. سوندىقتان, ونىڭ تٷپكٸلٸكتٸ باقىلاۋشى تاراپى ەبۋ-دابي ٷكٸمەتٸ بولىپ تابىلادى.
