باسقارما باسشىسىنىڭ ايتۋىنشا، بۇگىندە وسكەمەن قالاسىندا ءتورت مىڭىننان استام «سەرگەك» باقىلاۋ كامەرالارى ورناتىلعان. ولاردىڭ 159 ورتالىقتى قامتىسا، 1300 كامەرا قالاداعى تۇرعىن ۇيلەردىڭ اۋلالارىندا بەينەباقىلاۋ جۇرگىزەدى. قالعان جول بويىندا كولىك قوزعالسىن باقىلايدى.
بيىل جول بويىندا ورناتىلعان «سەرگەك» كامەرەرالارى 150 مىڭنان استام جول قوزعالىسى ەرەجەسىن بۇزۋ وقيعالارىن تىركەپتى. بۇل وتكەن جىلمەن سالىستىرعاندا 40 پايىزعا ارتىق. ول كەزدە 115 مىڭ جول ەرەجەسىن بۇزۋ وقيعاسى انىقتالعان بولاتىن.
سول سياقتى جىل باسىنان بەرى «سەرگەك» كامەرالارى قوعامدىق ورىنداردى توعىز مىڭنان استام اكىمشىلىك قۇقىق بۇزۋشىلىق وقيعالارىن تىركەگەن. بۇل وتكەن جىلمەن سالىستىرعان 17 پايىزعا ارتىق بولىپ تۇر. بيىل بەينە باقىلاۋ كامەرالارىنىڭ كومەگىمەن 137 قىلمىستىق وقيعالاردىڭ بەتى اشىلعان.
ءوز كەزەگىندە شقو سيفرلاندىرۋ باسقارماسىنىڭ جەتەكشىسى مارينا گاگارينا وسكەمەندەگى قوعامدىق ءتارتىپتى ساقتاۋدا «سەرگەك» كامەرالارى ءوزىنىڭ تيىمدىگىن كورسەتكەنىن العا تارتتى.
وبلىستىق اكىمدىك وسىنداي وڭدى ناتيجەلەردى ەسكەرىپ، الداعى ۋاقىتتا سەمەي قالاسىندا «سەرگەك» كامەرالارىن ورناتۋ جايىندا شەشىم قابىلداعانى بۇگىنگى باسپا ءسوز ءماسليحاتىندا ايتىلدى.
الداعى ۋاقىتتا سەمەيدەگى 74 كوشە قيىلىسىنا جانە 40 كوشەنىڭ بويىنا بەينە باقىلاۋ كامەرالارى ورناتىلماقشى. جاقىن ۋاقىتتا سەمەيدە ۇزىن سانى 1390 «سەرگەك» كامەرالارى قوعامدىق ءتارتىپتى باقىلايتىن بولادى.
– قازىرگى تاڭدا سەمەيدە قاي جەرلەگگە بەينە باقىلاۋ كامەرالارىن ورناتۋ جوسپارى بەكىتىلدى. الداعى ۋاقىتتا شقو سيتۋاسيالىق ورتالىعىنا جالعانعان 20 كامەرا «پيلوتتىق» جوبا رەتىندە جۇمىسىن ىستەيتىن بولادى، – دەپ اتاپ ءوتتى مارينا گاگارينا.
قازىرگى تاڭدا شقو اۋماعىندا 18 مىڭنان بەينە باقىلاۋ كامەرالارى ورناتىلعان. ولار كۇندىز-تۇنى قوعامدىق ءتارتىپتى باقىلاپ، قىلمىستىڭ الدىن الۋدا.
