جيىندا اۋدان ەكٸمٸنٸڭ ورىنباسارى عالىمجان ٷسەنباەۆ, جازۋشى سەرٸك جانەبٸل, "ەگەمەن قازاقستان" گازەتٸنٸڭ مەنشٸكتٸ تٸلشٸسٸ باحتييار تايجان سٶز الىپ, لاتىن ەلٸپبيٸنە ٶتۋدٸڭ تەۋەلسٸز مەملەكەت ٷشٸن ماڭىزىن اتاپ ٶتتٸ. اۋدان قوناقتارى تۋتٶبە باسىنا كٶتەرٸلٸپ, قاسيەتتٸ ورداباسى بيٸگٸندەگٸ بۇل باستامانىڭ دا باياندى بولۋىنا تٸلەكتەستٸگٸن بٸلدٸردٸ. سونىمەن قاتار, ورتاق بەتۋاعا كەلٸپ, ٷندەۋ قابىلدادى.
– كيەلٸ ٶڭٸرگە جاساعان قادامدارىڭىز قۇتتى بولارىنا سەنٸمدٸمٸن. بٸز مەملەكەت باسشىسى نۇرسۇلتان ەبٸشۇلى نازارباەۆتىڭ باستامالارىنا قولداۋ بٸلدٸرٸپ, ەل بولىپ, بٸر جاعادان باس, بٸر جەڭنەن قول شىعاراتىن بولساق, الار اسۋىمىز الدا. سٸزدەرگە ورداباسى ٶڭٸرٸنە ات باسىن بۇرىپ, يگٸ شارانى وسى جەردەن باستاعاندارىڭىز ٷشٸن شىنايى العىسىمدى بٸلدٸرەمٸن, – دەپ, باسقوسۋدى قورتىندىلادى.
