ساۋدا ءمينيسترى ارمان شاققالييەۆ ورازا كەزىندەگى ازىق-تۇلىكتىڭ قىمباتتاۋىنا قاتىستى سۇراققا جاۋاپ بەردى، دەپ حابارلايدى Dalanews.kz.
شاققالييەۆتىڭ ايتۋىنشا، بۇل كەزەڭدە ساۋدا جەلىلەرى، كەرىسىنشە، اكسيالار وتكىزىپ، باعانى تومەندەتۋگە تىرىسىپ، ءتۇرلى ءىس-شارالار ۇيىمداستىرىپ جاتادى.
“ولار بۇل كەزەڭدە پايدا تابۋدى ماقسات ەتپەيدى، كەرىسىنشە، مارتتىك تانىتىپ، باعانى تومەندەتۋگە باعىتتالعان ءتۇرلى اكسيالار وتكىزەدى. ءبىز جالپى باعا وزگەرىسىن ورازامەن بايلانىستىرمايمىز”، – دەدى ساۋدا جانە ينتەگراسيا ءمينيسترى.
ەسكە سالايىق، 2025 جىلدىڭ ءدىني كۇندەر كەستەسىنە سايكەس، بيىل رامازان ايىنىڭ العاشقى كۇنى كوكتەمنىڭ ءبىرىنشى كۇنىنە، ياعني 1 ناۋرىزعا سايكەس كەلەتىنىن حابارلاعان ەدىك.
"دەگەنمەن جاڭا ايدىڭ كورىنۋىنە بايلانىستى بۇل كۇندەر ءبىر كۇن العا نە ءبىر كۇن كەيىن شەگەرىلۋى مۇمكىن ەكەنىن ۇمىتپاۋ كەرەك"، - دەپ حابارلادى قمدب.
ءدىني باسقارما رامازان ايى باستالماي تۇرىپ، وتكەن جىلداعى قازا بولعان ورازا كۇندەرىن تولىقتىرۋ كەرەگىن ەسكەرتتى.
سونىمەن قاتار استانا قالاسى "دىندەردى زەرتتەۋ ورتالىعىنىڭ" يسلامتانۋشى-لەكتورى ارمان نۇراحمەت ۇلى رامازان ايىنا بايلانىستى ءبىرقاتار كەڭەسىن ۇسىندى.
كىم ورازا ۇستاۋعا مىندەتتى؟
ورازانىڭ مۇسىلماندارعا پارىز بولاتىن شارتتارى:
- باليعات جاسىنا جەتۋ؛
- اقىل ەسى دۇرىس بولۋ؛
- ورازا ۇستاۋشىنىڭ دەنساۋلىعى جارامدى بولۋى؛
رامازان ايىندا كۇندەلىكتى كۇندە ورازانى قالاي ۇستاۋ كەرەك؟
تاڭ اتقاننان (تاڭ نامازىنىڭ باستالۋ ۋاقىتى) كۇن باتقانعا دەيىن (كەشكى اقشام نامازىنىڭ باستالۋىنا دەيىن). وسى ۋاقىت ىشىندە ىشۋگە، تاماق جەۋگە جانە جۇبايىڭىزبەن جىنىستىق قاتىناسقا تۇسۋگە بولمايدى. دەمەك، اقشام نامازى ۋاقىتى كىرگەننەن باستاپ، تاڭ نامازىنا دەيىن (كەشكى جانە تۇنگى ۋاقىت ارالىعىندا)، اتالمىش تىيىمدار رۇقسات ەتىلەدى؛
