Saýda ministri Arman Shaqqaliev Oraza kezindegi azyq-túliktiń qymbattaýyna qatysty suraqqa jaýap berdi, dep habarlaidy Dalanews.kz.
Shaqqalievtiń aitýynsha, bul kezeńde saýda jelileri, kerisinshe, aktsiialar ótkizip, baǵany tómendetýge tyrysyp, túrli is-sharalar uiymdastyryp jatady.
“Olar bul kezeńde paida tabýdy maqsat etpeidi, kerisinshe, márttik tanytyp, baǵany tómendetýge baǵyttalǵan túrli aktsiialar ótkizedi. Biz jalpy baǵa ózgerisin orazamen bailanystyrmaimyz”, – dedi Saýda jáne integratsiia ministri.
Eske salaiyq, 2025 jyldyń dini kúnder kestesine sáikes, biyl Ramazan aiynyń alǵashqy kúni kóktemniń birinshi kúnine, iaǵni 1 naýryzǵa sáikes keletinin habarlaǵan edik.
"Degenmen jańa aidyń kórinýine bailanysty bul kúnder bir kún alǵa ne bir kún keiin shegerilýi múmkin ekenin umytpaý kerek", - dep habarlady QMDB.
Dini basqarma Ramazan aiy bastalmai turyp, ótken jyldaǵy qaza bolǵan oraza kúnderin tolyqtyrý keregin eskertti.
Sonymen qatar Astana qalasy "Dinderdi zertteý ortalyǵynyń" islamtanýshy-lektory Arman Nurahmetuly Ramazan aiyna bailanysty birqatar keńesin usyndy.
Kim oraza ustaýǵa mindetti?
Orazanyń musylmandarǵa paryz bolatyn sharttary:
- baliǵat jasyna jetý;
- aqyl esi durys bolý;
- oraza ustaýshynyń densaýlyǵy jaramdy bolýy;
Ramazan aiynda kúndelikti kúnde orazany qalai ustaý kerek?
Tań atqannan (tań namazynyń bastalý ýaqyty) kún batqanǵa deiin (keshki aqsham namazynyń bastalýyna deiin). Osy ýaqyt ishinde ishýge, tamaq jeýge jáne jubaiyńyzben jynystyq qatynasqa túsýge bolmaidy. Demek, aqsham namazy ýaqyty kirgennen bastap, tań namazyna deiin (keshki jáne túngi ýaqyt aralyǵynda), atalmysh tyiymdar ruqsat etiledi;
