ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى مەن استانا قالاسىنىڭ 20 جىلدىعىنا وراي «ءان مەن كۇي الديلەيدى استانانى» اتتى وڭتۇستىك قازاقستان وبلىسىنىڭ استاناداعى مادەني كۇندەرى اياسىندا ۇيىمداستىرىلىپ وتىر.
تۇران ەلى ونەرپازدارىنىڭ ونەرىن تاماشالاۋعا ق ر پارلامەنتى ءماجىلىسىنىڭ دەپۋتاتتارى مەن زيالى قاۋىم وكىلدەرى جانە رەسپۋبليكالىق بۇقارالىق اقپارات قۇرالدارى قاتىستى.
وڭتۇستىك قازاقستان وبلىسىنىڭ حالقىن ەلىمىزدىڭ ەلورداسى – استانا قالاسىنىڭ 20 جىلدىق مەرەيتويىن سەزىندىرۋ ماقساتىندا «ەل جۇرەگى - استانا» تاقىرىبىندا كورمەلىك كەشەننىڭ اشىلۋىمەن باستالىپ، بۇگىنگى تاڭعا دەيىن 760 ءىس-شارا وتكىزىلگەن بولاتىن.
ەلوردا قۇرمەتىنە وراي وبلىستىڭ ەلدى مەكەندەرىندە 26 كوشەگە «استانا» اتاۋى بەرىلدى. «ەلورداعا سىيلىق» جوباسى بويىنشا تۇركىستان وبلىسى تاراپىنان استانا قالاسىنا تارتۋ رەتىندە ەسىل وزەنى بويىندا ورتالىق ساياباق پەن مينيسترلىكتەر ءۇيى ارالىعىنا دەيىن 5،173 شاقىرىم ۆەلوجول سالىنۋدا.
كونسەرت «شارىقتاي بەر، استانا» تەاترلاندىرىلعان-حورەوگرافيالىق كومپوزيسياسىنان باستاۋ الىپ، ءداستۇرلى اندەر شەرۋى، قازاق جانە كلاسسيكالىق، ش.قالداياقوۆ اندەرىنەن پوپۋرري، «دالا رۋحى» كومپوزيسياسىمەن جالعاسىن تاپتى.
كونسەرتكە وڭتۇستىكتەن شىققان ەسترادا جۇلدىزى، ق ر ەڭبەك سىڭىرگەن قايراتكەرى التىناي جورابايەۆا جانە ق ر حالىق ءارتىسى نۇرجامال ۇسەنبايەۆا، ق ر مادەنيەت قايراتكەرلەرى ءۇرالحان سەيىلبەكوۆا، مارات ورازمەتوۆ پەن ق ر ەڭبەك سىڭىرگەن ءارتىسى ءسابيراش ءابدىرايىموۆا جانە حالىقارالىق بايقاۋلاردىڭ لاۋرەاتتارى كارينا ناجمەددينوۆا، ءمولدىر يسايەۆا، جادىرا ابدۋللايەۆا، نۇرقانات تاپييەۆ، ايان تولەگەن، نەماتيللو زكرۋللايەۆ، بەكزات تۇرعىنبەك، اقمارال بينازاروۆا سىندى ساحنا ساڭلاقتارىمەن قاتار «تۇمار» فولكلورلىق ءانسامبلى جانە «قازىنا»، «شامسينۋر»، «فاراب» بي توپتارى قاتىستى.
