Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy men Astana qalasynyń 20 jyldyǵyna oraı «Án men kúı áldıleıdi Astanany» atty Ońtústik Qazaqstan oblysynyń Astanadaǵy mádenı kúnderi aıasynda uıymdastyrylyp otyr.
Turan eli ónerpazdarynyń ónerin tamashalaýǵa QR Parlamenti májilisiniń depýtattary men zıaly qaýym ókilderi jáne respýblıkalyq buqaralyq aqparat quraldary qatysty.
Ońtústik Qazaqstan oblysynyń halqyn elimizdiń elordasy – Astana qalasynyń 20 jyldyq mereıtoıyn sezindirý maqsatynda «El júregi - Astana» taqyrybynda kórmelik keshenniń ashylýymen bastalyp, búgingi tańǵa deıin 760 is-shara ótkizilgen bolatyn.
Elorda qurmetine oraı oblystyń eldi mekenderinde 26 kóshege «Astana» ataýy berildi. «Elordaǵa syılyq» jobasy boıynsha Túrkistan oblysy tarapynan Astana qalasyna tartý retinde Esil ózeni boıynda ortalyq saıabaq pen Mınıstrlikter úıi aralyǵyna deıin 5,173 shaqyrym velojol salynýda.
Konsert «Sharyqtaı ber, Astana» teatrlandyrylǵan-horeografıalyq kompozısıasynan bastaý alyp, dástúrli ánder sherýi, qazaq jáne klasıkalyq, Sh.Qaldaıaqov ánderinen popýrrı, «Dala rýhy» kompozısıasymen jalǵasyn tapty.
Konsertke Ońtústikten shyqqan estrada juldyzy, QR eńbek sińirgen qaıratkeri Altynaı Jorabaeva jáne QR Halyq ártisi Nurjamal Úsenbaeva, QR Mádenıet qaıratkerleri Úrálhan Seıilbekova, Marat Orazmetov pen QR eńbek sińirgen ártisi Sábırash Ábdiraıymova jáne Halyqaralyq baıqaýlardyń laýreattary Karına Najmeddınova, Móldir Isaeva, Jadyra Abdýllaeva, Nurqanat Tapıev, Aıan Tólegen, Nematıllo Zkrýllaev, Bekzat Turǵynbek, Aqmaral Bınazarova syndy sahna sańlaqtarymen qatar «Tumar» fólklorlyq ansambli jáne «Qazyna», «Shamsınýr», «Farab» bı toptary qatysty.
