سونداي-اق، وڭىردە بيىل 1692 مەكتەپ ءبىتىرۋشى «التىن بەلگىگە»، 1029 تۇلەك ۇزدىك اتتەستاتقا ۇمىتكەر. اعىمداعى جىلدان باستاپ «التىن بەلگى» يەگەرلەرى ۇلتتىق ءبىرىڭعاي تەستىلەۋدەن تومەن بالل العان جاعدايدا مەملەكەتتىك گرانت ءبولۋ جۇيەسىندە «التىن بەلگى» يەگەرىنە باسىمدىق بەرىلمەيدى.
باسقارما باسشىسىنىڭ ايتۋىنشا، وبلىستا 16 ۇلتتىق ءبىرىڭعاي تەستىلەۋ ورتالىعى بار، ولاردىڭ 4ء-ى جوو-نىڭ بازاسىندا، 2ء-ى اۋدان ورتالىقتارىندا بولسا، 10-ى جالپى ورتا مەكتەپتەردە ورنالاسقان.
– تەستىلەۋگە قاتىسۋعا ءوتىنىش قابىلداۋ 10 ناۋرىز بەن 10 مامىر ارالىعىندا ۇبت-نى وتكىزۋ پۋنكتەرى ارقىلى جۇزەگە اسادى. بۇگىندە تەستىلەۋ ورتالىقتارىندا ارنايى مەتالىزدەگىش جانە ۇيالى تەلەفون سيگنالدارىن تۇنشىقتىرعىش قۇرىلعىلار ورنالاستىرىلعان. سونداي-اق، بەينەتىرگىشتەر مەن ونلاين كورسەتىلىم ءۇشىن 133 اۋديوتوريا ارنايى جابدىقتارمەن قامتاماسىز ەتىلگەن. ۇلتىق ءبىرىڭعاي تەستىلەۋ 20 ماۋسىم مەن 1 شىلدە ارالىعىندا وتەدى. سونىمەن قاتار، 2018 جىلعى تامىز ايىندا جانە 2019 جىلدىڭ قاڭتار ايىندا ۇبت-نى اقىلى نەگىزدە قايتا تاپسىرۋ مۇمكىندىگى بەرىلەدى. شەكتى بال – 50 بولىپ بەلگىلەنىپ وتىر، – دەدى يساتاي ءومىرزاق ۇلى.
ايتا كەتەرلىگى، 2018 جىلعى مەكتەپ بىتىرۋشىلەردىڭ سوڭعى قوڭىراۋى جىلداعى ءۇردىس بويىنشا 25-مامىر كۇنى ساعات 09-00-گە بەلگىلەنىپ، ءىس-شارالار جوسپارى بەكىتىلگەن. سونىڭ ءبىرى – بيىل 26-مامىردا ورداباسى اۋدانىنداعى «بىرلىك» مونۋمەنتى اۋماعىندا مەكتەپ ءبىتىرۋشى تۇلەكتەرگە ارنالعان «تۋعان جەرگە تاعزىم» اتتى سالتاناتتى شاراسى وتەدى. شاراعا وبلىستاعى جالپى ورتا ءبىلىم بەرەتىن بارلىق ۇيىمداردان 630 وقۋشى قاتىسادى.
وقو اكىمىنىڭ باسپا ءسوز قىزمەتى
