Ońtústikte biyl 34 myńǵa jýyq oqýshy mektep bitiredi
Sondai-aq, óńirde biyl 1692 mektep bitirýshi «Altyn belgige», 1029 túlek úzdik attestatqa úmitker. Aǵymdaǵy jyldan bastap «Altyn belgi» iegerleri Ulttyq biryńǵai testileýden tómen ball alǵan jaǵdaida memlekettik grant bólý júiesinde «Altyn belgi» iegerine basymdyq berilmeidi.
Basqarma basshysynyń aitýynsha, oblysta 16 Ulttyq biryńǵai testileý ortalyǵy bar, olardyń 4-i JOO-nyń bazasynda, 2-i aýdan ortalyqtarynda bolsa, 10-y jalpy orta mektepterde ornalasqan.
– Testileýge qatysýǵa ótinish qabyldaý 10 naýryz ben 10 mamyr aralyǵynda UBT-ny ótkizý pýnkteri arqyly júzege asady. Búginde testileý ortalyqtarynda arnaiy metalizdegish jáne uialy telefon signaldaryn tunshyqtyrǵysh qurylǵylar ornalastyrylǵan. Sondai-aq, beinetirgishter men onlain kórsetilim úshin 133 aýdiotoriia arnaiy jabdyqtarmen qamtamasyz etilgen. Ultyq biryńǵai testileý 20 maýsym men 1 shilde aralyǵynda ótedi. Sonymen qatar, 2018 jylǵy tamyz aiynda jáne 2019 jyldyń qańtar aiynda UBT-ny aqyly negizde qaita tapsyrý múmkindigi beriledi. Shekti bal – 50 bolyp belgilenip otyr, – dedi Isatai Ómirzaquly.
Aita keterligi, 2018 jylǵy mektep bitirýshilerdiń sońǵy qońyraýy jyldaǵy úrdis boiynsha 25-mamyr kúni saǵat 09-00-ge belgilenip, is-sharalar jospary bekitilgen. Sonyń biri – biyl 26-mamyrda Ordabasy aýdanyndaǵy «Birlik» monýmenti aýmaǵynda mektep bitirýshi túlekterge arnalǵan «Týǵan jerge taǵzym» atty saltanatty sharasy ótedi. Sharaǵa oblystaǵy jalpy orta bilim beretin barlyq uiymdardan 630 oqýshy qatysady.
OQO ákiminiń baspasóz qyzmeti
