تۇركىستان وبلىسىنا قاراستى «وڭتۇستىك» تەلەارناسىنىڭ تۇركىستانداعى تىلشىلەر قوسىنىنىڭ وكىلى ماقسۇت ايتجانوۆ قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە بولىپ، ءبىتىرۋشى جۋرناليست-ستۋدەنتتەرمەن كەزدەستى.

م.ايتجانوۆ وبلىستاعى ءىرى مەدياارنانىڭ جوسپارلارىمەن تانىستىرا كەلىپ، قالامىزعا قونىس تەپكەن تىلشىلەر قوسىنىنداعى ۆاكانتتىق ورىندارعا كاستينگ تۇرىندە بولاشاق ماماندار ىرىكتەلەتىنىن ايتتى.

ياعني، بىرەر كۇننەن سوڭ كاسىپقوي رەجيسسەرلەر مەن پروديۋسەرلەر وقۋ ورنىنا ارنايى كەلىپ، بيىل وقۋ ءبىتىرىپ جاتقان تۇلەكتەردىڭ اراسىنان تىلشىلىك، جۇرگىزۋشىلىك، بەينەمونتاجشىلىق، وپەراتورلىق قىزمەتكە يكەمى بار جاستاردى تاڭداپ الىپ، ماماندىق داعدىلارىنا ۇيرەتە باستاماقشى.

بۇل ءبىر جاعىنان ءبىتىرۋشى تۇلەكتەر ءۇشىن ۇلكەن تاجىريبە مەكتەبى بولماق. بەلگىلى ءبىر ۋاقىت ارالىعىندا سىناق مەرزىمىنەن سۇرىنبەي وتكەن ستۋدەنتتەر ديپلومعا يە بولىسىمەن-اق بىرتىندەپ قىزمەتكە قابىلدانا باستايتىن بولادى. وقۋ ورنىنىڭ جۋرناليستيكا كافەدراسى الدا اكىمدىكتەردىڭ ىشكى ساياسات بولىمدەرىمەن، باسپا ءسوز قىزمەتتەرىمەن، جەرگىلىكتى بۇقارالىق اقپارات قۇرالدارىمەن بىرلەسە وتىرىپ، ءدۋالدى وقىتۋ ارقىلى ستۋدەنتتەرگە ساباقتان تىس ۋاقىتتا دارىستەن قول ۇزبەي پراكتيكالىق ءبىلىم الۋ جۇيەسىن دە ويلاستىرۋدى جوسپارلاپ وتىر. بۇل شىن مانىندە سالالىق جۋرناليستيكانى دامىتۋعا ۇلەس قوسار جاڭا ءبىر ۇلگىلىك جوبا بولماق.

 

"Dalanews" اقپارات