«Ońtústik» telearnasy stýdent jastardy jumysqa tarta bastady
M.Aitjanov oblystaǵy iri mediaarnanyń josparlarymen tanystyra kelip, qalamyzǵa qonys tepken tilshiler qosynyndaǵy vakanttyq oryndarǵa kasting túrinde bolashaq mamandar irikteletinin aitty.
Iaǵni, birer kúnnen soń kásipqoi rejisserler men prodiýserler oqý ornyna arnaiy kelip, biyl oqý bitirip jatqan túlekterdiń arasynan tilshilik, júrgizýshilik, beinemontajshylyq, operatorlyq qyzmetke ikemi bar jastardy tańdap alyp, mamandyq daǵdylaryna úirete bastamaqshy.
Bul bir jaǵynan bitirýshi túlekter úshin úlken tájiribe mektebi bolmaq. Belgili bir ýaqyt aralyǵynda synaq merziminen súrinbei ótken stýdentter diplomǵa ie bolysymen-aq birtindep qyzmetke qabyldana bastaityn bolady. Oqý ornynyń jýrnalistika kafedrasy alda ákimdikterdiń ishki saiasat bólimderimen, baspasóz qyzmetterimen, jergilikti buqaralyq aqparat quraldarymen birlese otyryp, dýaldi oqytý arqyly stýdentterge sabaqtan tys ýaqytta dáristen qol úzbei praktikalyq bilim alý júiesin de oilastyrýdy josparlap otyr. Bul shyn máninde salalyq jýrnalistikany damytýǵa úles qosar jańa bir úlgilik joba bolmaq.
"Dalanews" aqparat
