CLAAS تراكتورلارى مەن كومبايندارىنىڭ قۇرامداس بولىكتەرىن شىعارۋ، AMAZONE تۇقىم سەبۋ كەشەندەرىن ءوندىرۋ جانە KamLit پەن KIA كومپانيالارىمەن سەرىكتەستىك اياسىندا قازاقستاندا العاشقى لوكاليزاسيالىق ورتالىق ىسكە قوسىلدى. قوستاناي ماشينا جاساۋشىلارىنىڭ بىلىكتىلىگى ارقاسىندا AGROMASH زاۋىتى بيىل الەمدىك ءىرى كومپانيالارمەن جۇمىس ىستەۋدى باستادى، دەپ حابارلايدى Dalanews.kz.
2024 جىلدىڭ قورىتىندىسى
ءوندىرىس 20%-عا ءوستى
«2023 جىلى كاسىپورىن 1250 بىرلىك اۋىلشارۋاشىلىعى تەحنيكاسىن شىعارسا، 2024 جىلى بۇل كورسەتكىش 1500 بىرلىككە جەتتى. سونىمەن قاتار تراكتورلار ءوندىرىسى ايتارلىقتاي ارتتى: ولاردىڭ سانى 1 100 بىرلىكتەن استى. LOVOL تراكتورلارى ءۇش جىل قاتارىنان ەلدەگى ەڭ كوپ ساتىلاتىن تراكتورلاردىڭ قاتارىندا بولسا، بيىل ESSIL برەندى كومبايندار اراسىندا كوش باستاپ تۇر»، – دەدى كوممەرسيالىق ديرەكتور نيكولاي پارحومەنكو.
ءوندىرىس: CLAAS تەحنيكاسى جانە AMAZONE كەشەندەرى
جىل سايىن لوكاليزاسيالىق ورتالىقتا 250 مىڭنان استام توراپتار مەن كومپونەنتتەر وندىرىلەدى، ولاردىڭ ءبىر بولىگى زاۋىتتىڭ ءوز قۇيۋ سەحىندا دايىندالادى.
قوستانايلىق ماشينا جاساۋشىلاردىڭ ايتۋىنشا، زاماناۋي جابدىقتار مەن بىلىكتى مامانداردىڭ بولۋى قازاقستاندىق اۋىل شارۋاشىلىعى جانە كوممەرسيالىق تەحنيكا وندىرۋشىلەرىنە ونەركاسىپتىك قۇراستىرۋ كەلىسىمدەرىن ورىنداۋعا مۇمكىندىك بەرەدى. بۇگىندە LOVOL جانە DEUTZ-FAHR تراكتورلارى مەن كومبايندارى، ESSIL كومبايندارى، سونداي-اق باسقا دا تىركەمەلەر مەن قوندىرمالار AGROMASH وندىرىستىك جەلىسىنەن شىعارىلادى. بۇدان بولەك، كاسىپورىن CLAAS، AMAZONE جانە KIA سىندى الەمدىك برەندتەرگە قاجەتتى بولشەكتەردى جاساپ جەتكىزەدى.
«لوكاليزاسيالىق ورتالىقتىڭ مۇمكىندىكتەرى ارقاسىندا كومپانيا CLAAS تراكتورلارى مەن كومبايندارىنا تاسىمالداۋشى اربالار، الدىڭعى جۇك كوتەرگىشتەر، ساتىلار، تۇتقالار جانە باسقا دا بولشەكتەر شىعارادى. كەلەسى جىلى بۇل ءتىزىمدى كەڭەيتۋ جوسپارلانعان. سونىمەن بىرگە، قىركۇيەك ايىندا AMAZONE كومپانياسىمەن تىركەمەلى جانە سوقپالى تەحنيكا ءوندىرۋ بويىنشا كەلىسىم جاسالدى. ءبىزدىڭ ماماندار نەمىس ارىپتەستەرىمىزدەن وقىتۋ باعدارلاماسىن ءوتتى، ال ءوندىرىس زاۋىت اۋماعىندا باستالدى. جاڭا ماۋسىمدا قازاقستاندىق فەرمەرلەر 12 جانە 15 مەترلىك تۇقىم سەبۋ كەشەندەرىن وتاندىق وندىرىستەن الا الادى. 2025 جىلعا جوسپار بويىنشا – 50 كەشەن ءوندىرۋ كوزدەلىپ وتىر. سونىمەن قاتار، KIA زاۋىتى بىزبەن بىرگە قازاقستان اۋماعىندا جاڭا ءوندىرىس ورنىن قۇرۋ ءۇشىن قۇرامداس بولشەكتەردى دايىنداۋ بويىنشا كەلىسىم جاساستى. ءبىز قۇيۋ، دانەكەرلەۋ، بوياۋ جانە دايىن بولشەكتەر شىعارۋ سيكلىن تولىقتاي قامتيتىن ءوندىرىس قىزمەتتەرىن ۇسىنامىز»، – دەدى AGROMASH زاۋىتىنىڭ وپەراسيالىق تيىمدىلىك جونىندەگى ديرەكتورى باحتيار بالگۋجين.
2025 جىل – قىزمەت كورسەتۋ جىلى
AGROMASH كومپانياسى 2025 جىلدى رەسمي تۇردە قىزمەت كورسەتۋ جىلى دەپ جاريالادى. بۇل شەشىم سەرۆيستىك قىزمەت كورسەتۋ سالاسىن كەڭەيتۋ جانە جاقسارتۋ ماقساتىندا قابىلداندى.
سەرۆيستىك قىزمەتتى تۇرلەندىرۋ جۇمىستارى وسى ماۋسىمدا باستالدى. قازاقستاندىق وندىرىستەگى 100-گە جۋىق JAC T6 اۆتوكولىگى حولدينگتىڭ فيليالدارىنا ساتىپ الىندى. بۇل كولىكتەر سەرۆيستىك مامانداردىڭ فەرمەرلەر سۇرانىسىنا جەدەل جاۋاپ بەرۋىن قامتاماسىز ەتەدى. كومپانيا ينفراقۇرىلىمدى جاڭعىرتۋعا جانە تەحنيكالىق جابدىقتارىن جاقسارتۋعا 5 ميلليارد تەڭگە كولەمىندە ينۆەستيسيا ءبولدى.
«بيىل ءبىز 100-دەن استام اۆتوكولىك ساتىپ الدىق. ءاربىر كولىك زاماناۋي جابدىقتارمەن قامتىلعان. بۇل ءبىزدىڭ ماماندارعا فەرمەرلەردىڭ سۇرانىسىن جىلدام قاناعاتتاندىرۋعا جانە اۋىل شارۋاشىلىعى تەحنيكاسىنا قىزمەت كورسەتۋ ساپاسىن ارتتىرۋعا مۇمكىندىك بەرەدى. قازىرگى ۋاقىتتا 4 مىڭنان استام تراكتور مەن كومباين ءبىزدىڭ كەپىلدى جانە كەپىلدىكتەن كەيىنگى قىزمەت كورسەتۋ جۇيەمىزدە تۇر. ساتۋ كولەمى ماۋسىم سايىن ارتىپ كەلەدى، سوندىقتان ءبىز تەحنيكالىق جاڭعىرتۋ جۇمىستارىن ۇزدىكسىز جۇرگىزۋىمىز قاجەت»، – دەدى قىزمەت كورسەتۋ جانە قوسالقى بولشەكتەر ءبولىمىنىڭ ديرەكتورى سامات جامبەتاۋلين.
2025 جىلى كومپانيا ەلىمىزدىڭ باستى استىقتى ايماقتارىندا – قوستاناي، وسكەمەن، استانا، شىمكەنت، پاۆلودار، الماتى جانە قاراعاندى قالالارىندا سەرۆيستىك فيليالدارىن مودەرنيزاسيالاپ، جاڭا نۇكتەلەر اشۋدى جوسپارلاپ وتىر. بۇل فيليالدار تولىققاندى شەبەرحانالار مەن قوسالقى بولشەكتەر قويمالارىمەن جابدىقتالاتىن بولادى.
