– تۇركىستان وبلىسى قايتا قۇرىلعالى بەرى ايماقتىڭ 2019 جىلعى الەۋمەتتىك-ەكونوميكالىق دامۋىندا وڭ ديناميكا قالىپتاستى. 2019 جىلى وبلىس بيۋدجەتى 561 ملرد.تەڭگەدەن، جىل سوڭىنا دەيىن 778 ملرد.تەڭگەگە جەتىپ، 217 ملرد. تەڭگەگە نەمەسە 38%-عا ءوستى. ءبىرقاتار سالالار بويىنشا رەسپۋبليكادا كوشباسشىلار قاتارىنان كورىندىك. جالپى، 2019 جىل – ءوڭىر ءۇشىن جەتىستىككە تولى جىل بولدى، – دەگەن ءوڭىر باسشىسى دامۋدىڭ ءتۇرلى سالالارى بويىنشا كورسەتكىشتەرگە توقتالۋدا.
اتاپ وتەيىك، تۇركىستان وبلىسى اكىمىنىڭ حالىققا ەسەپ بەرۋ كەزدەسۋى تۇركىستان وبلىسى اكىمدىگىنىڭ رەسمي سايتى جانە فەيسبۋك (Facebook) پاراقشاسى ارقىلى ونلاين رەجيمدە كورسەتىلۋدە.
بۇدان وزگە، بۇگىنگى ەسەپتى كورۋ مۇمكىندىگىن قاراستىرۋ ماقساتىندا وبلىس ورتالىعىنان شالعاي جاتقان اۋدان تۇرعىندارىنا ۇسىنىس-پىكىرلەر ءبىلدىرۋ ءۇشىن جانە سۇراقتار قويۋ ءۇشىن بارلىق اۋدان، قالالار ينتەراكتيۆتى ونلاين رەجيمدە قوسىلعان.
كەزدەسۋ وتكىزىلىپ وتىرعان عيماراتتىڭ ءبىرىنشى قاباتىندا ارنايى جاشىكتەر قويىلعان. بۇل تىكەلەي سۇراق قويۋ مۇمكىندىگى بولماعان تۇرعىنداردىڭ ءوتىنىش، شاعىمدارىن سالۋعا قولايلى. بۇدان بولەك، سالالىق باسقارما باسشىلارى دا حالىقتى قابىلداۋدا.
جالپى، بۇگىنگى كۇنگە دەيىن تۇركىستان وبلىسىنا قاراستى اۋدان-قالا اكىمدەرىنىڭ حالىققا ەسەپ بەرۋ كەزدەسۋلەرى مەملەكەت باسشىسى قاسىم-جومارت كەمەل ۇلى توقايەۆتىڭ 2019 جىلعى 2 قىركۇيەكتەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس جاڭا فورماتتا وتكىزىلگەن بولاتىن.
ەستەرىڭىزدە بولسا، وبلىس باسشىسى اۋدان اكىمدەرىنىڭ ەسەپ بەرۋ جيىنىنا ارنايى قاتىسىپ، اۋدان تۇرعىندارىن الاڭداتىپ وتىرعان وزەكتى ماسەلەلەردى شەشۋ جولدارىن بىرگە تالقىلاعان ەدى.
مۇنداعى ماقسات – بيلىك پەن قوعام اراسىندا تۇراقتى ديالوگتى ورناتۋ، وتىنىشتەردى ساپالى قاراپ، مۇمكىندىگىنشە شەشىمىن تابۋ. حالىقتىڭ مۇڭ-مۇقتاجىن تىڭداپ، ءتيىستى كومەك بەرۋ.
جىل قورىتىندىسىمەن تۇرعىندار تاراپىنان وبلىس اكىمدىگىنە جەر، الەۋمەتتىك، تۇرعىن ۇي-كوممۋنالدىق شارۋاشىلىق جانە وزگەدە سالالارعا قاتىستى جالپى 4 134 ءوتىنىش كەلىپ تۇسكەن. اتالعان ماسەلەردى شەشۋ ءۇشىن ءتيىستى باسقارما باسشىلارى مەن اۋدان، قالا اكىمدەرىنە تاپسىرما بەرىلدى.
بۇدان بولەك، وبلىس اكىمى جانە ورىنباسارلارى 809 ازاماتتى جەكە قابىلداپ، ماسەلەلەرىن شەشۋگە اتسالىستى.
تۇركىستان وبلىسى اكىمىنىڭ باسپا ءسوز قىزمەتى
