– Túrkistan oblysy qaita qurylǵaly beri aimaqtyń 2019 jylǵy áleýmettik-ekonomikalyq damýynda oń dinamika qalyptasty. 2019 jyly oblys biýdjeti 561 mlrd.teńgeden, jyl sońyna deiin 778 mlrd.teńgege jetip, 217 mlrd. teńgege nemese 38%-ǵa ósti. Birqatar salalar boiynsha respýblikada kóshbasshylar qatarynan kórindik. Jalpy, 2019 jyl – óńir úshin jetistikke toly jyl boldy, – degen óńir basshysy damýdyń túrli salalary boiynsha kórsetkishterge toqtalýda.
Atap óteiik, Túrkistan oblysy ákiminiń halyqqa esep berý kezdesýi Túrkistan oblysy ákimdiginiń resmi saity jáne Feisbýk (Facebook) paraqshasy arqyly onlain rejimde kórsetilýde.
Budan ózge, búgingi esepti kórý múmkindigin qarastyrý maqsatynda oblys ortalyǵynan shalǵai jatqan aýdan turǵyndaryna usynys-pikirler bildirý úshin jáne suraqtar qoiý úshin barlyq aýdan, qalalar interaktivti onlain rejimde qosylǵan.
Jalpy, búgingi kúnge deiin Túrkistan oblysyna qarasty aýdan-qala ákimderiniń halyqqa esep berý kezdesýleri Memleket basshysy Qasym-Jomart Kemeluly Toqaevtyń 2019 jylǵy 2 qyrkúiektegi «Syndarly qoǵamdyq dialog – Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýynda «Halyq únine qulaq asatyn memleket» tujyrymdamasyna sáikes jańa formatta ótkizilgen bolatyn.
Mundaǵy maqsat – bilik pen qoǵam arasynda turaqty dialogty ornatý, ótinishterdi sapaly qarap, múmkindiginshe sheshimin tabý. Halyqtyń muń-muqtajyn tyńdap, tiisti kómek berý.
Jyl qorytyndysymen turǵyndar tarapynan oblys ákimdigine jer, áleýmettik, turǵyn úi-kommýnaldyq sharýashylyq jáne ózgede salalarǵa qatysty jalpy 4 134 ótinish kelip túsken. Atalǵan máselerdi sheshý úshin tiisti basqarma basshylary men aýdan, qala ákimderine tapsyrma berildi.
Budan bólek, oblys ákimi jáne orynbasarlary 809 azamatty jeke qabyldap, máselelerin sheshýge atsalysty.
Túrkistan oblysy ákiminiń baspasóz qyzmeti
