قازاقستاندا پەدوفيلدەرگە قاتىستى باقىلاۋ شارالارى كٷشەيتٸلمەك. بۇل جٶنٸندە ٸشكٸ ٸستەر مينيسترٸنٸڭ ورىنباسارى يگور لەپەحا مەلٸمدەدٸ, دەپ حابارلايدى Dalanews.kz.
ەندٸ مۇنداي قىلمىسكەرلەرگە قاتىستى ەكٸمشٸلٸك باقىلاۋ مەرزٸمسٸز ەنگٸزٸلۋٸ مٷمكٸن. قازٸرگٸ زاڭناماعا سەيكەس, سوتتالعان پەدوفيل تٷرمەدەن بوساتىلعاننان كەيٸن سەگٸز جىل بويى – ياعني سوتتىلىعى ٶتەلگەنگە دەيٸنگٸ ارالىقتا – ەكٸمشٸلٸك قاداعالاۋدا بولادى. الايدا ٸٸم بۇل باقىلاۋ مەرزٸمٸن شەكسٸز ۇزارتۋعا نيەتتٸ.
لەپەحانىڭ ايتۋىنشا, ەگەر قۇقىق قورعاۋ ورگاندارى اتالعان تۇلعادان قايتالاناتىن قىلمىس قاۋپٸن بايقاسا, ولار جارتى جىل سايىن سوتقا جٷگٸنٸپ, باقىلاۋدى ۇزارتۋدى سۇراي الادى.
"قازٸرگٸ تاڭدا بۇل باقىلاۋ مەرزٸمٸن شەكتەۋسٸز ۇزارتۋعا مٷمكٸندٸك بار", – دەدٸ ول.
سوت مۇنداي ٶتٸنٸشتەردٸ قاراپ, ەگەر ادامنان قايتا قىلمىس جاساۋ قاۋپٸ بايقالسا, باقىلاۋ شارالارىن جالعاستىرۋ تۋرالى شەشٸم شىعارا الادى.
مينيستر ورىنباسارىنىڭ ايتۋىنشا, بولاشاقتا پەدوفيلدەر ٶمٸر بويى باقىلاۋدا بولۋى تيٸس.
سونىمەن قاتار سوت ەكٸمشٸلٸك باقىلاۋ اياسىندا بەلگٸلٸ بٸر اۋماقتارعا – مەكتەپتەر مەن بالالار مەكەمەلەرٸنٸڭ ماڭىنا – بارۋعا تىيىم سالۋى مٷمكٸن. بۇل شەكتەۋلەردٸ بۇزعان جاعدايدا, ازامات ەكٸمشٸلٸك نەمەسە قىلمىستىق جاۋاپكەرشٸلٸككە تارتىلادى. سونداي-اق تٷنگٸ ۋاقىتتا ٷيدەن تىس جٷرۋگە دە شەكتەۋ قويىلۋى مٷمكٸن.
جاڭا شارالاردىڭ بٸرٸ – رەسمي ەسكەرتۋ ەنگٸزۋ.
"بٸز وعان رەسمي تٷردە ەسكەرتۋ جاسايمىز: مۇنداي ەرەكەتكە جول بەرٸلمەيدٸ. سٸز ٶزٸڭٸزدٸ قوعامعا لايىق تٷردە ۇستاۋىڭىز كەرەك", – دەپ تٷسٸندٸردٸ لەپەحا.
ەگەر ازامات قوعامدىق تەرتٸپتٸ جٷيەلٸ تٷردە بۇزسا, كٶرشٸلەرٸنە تىنىشتىق بەرمەسە نەمەسە باسقا دا انتيەلەۋمەتتٸك مٸنەز-قۇلىق تانىتسا, ۋچاسكەلٸك ينسپەكتور وعان رەسمي ەسكەرتۋ جاساي الادى.
ايتا كەتەيٸك, قازاقستاندا 2016 جىلدان بەرٸ بالالارعا قاتىستى جىنىستىق قىلمىس جاساعان ادامدار تۋرالى اشىق دەرەكتەر بازاسى جۇمىس ٸستەيدٸ. 2023 جىلى مۇنداي تٸزٸمگە 338 ادام تٸركەلسە, 2024 جىلدىڭ ٶزٸندە 406 ادام ەسەپكە الىنعان.
