ومار جەلەلدٸڭ بۇرىنعى ەيەلٸ ليازات مىرزاش كٷيەۋٸن سوتقا بەرەتٸنٸن مەلٸمدەدٸ, دەپ حابارلايدى Dalanews.kz.
ليازات مىرزاشتىڭ سٶزٸنشە, ومار جەلەلدٸ سوتقا بەرۋٸنە ونىڭ جازباسى سەبەپ بولعان.
"بەرٸڭٸز جارىسا تاڭ ازانمەن جولداعان وماردىڭ پوستىن وقىدىم جەنە ٶز سٶزٸنە ٶزٸ جاۋاپ بەرە الماعاندىعى ٷشٸن بالالارى ٷشٸن جاۋاپكەرشٸلٸكتەن باس تارتىپ وتىرعانى ٷشٸن سوتقا بەرەمٸن دەپ شەشتٸم. ٶز بالالارىن, مەنٸڭ 9 اي كٶتەرٸپ, تولعاتىپ تۋعان ۇرپاقتى قۇنسىزداندىرعانى ٷشٸن سوتقا بەرەمٸن-دەپ شەشتٸم. بيىل ماسكالار شەشٸلەتٸن جىل! ماعان جەردەم بەرە الاتىن ادۆوكاتتار بولسا جەكەگە شىعىڭىز, نەمەسە وسىندا بەلگٸلەڭٸزدەرشٸ", - دەيدٸ مىرزاش.
كٷنٸ كەشە ومار جەلەل توقال الۋعا قاتىستى جازبا جارييالاعان بولاتىن.
"مەنٸڭ اينالامدا توقال الىپ وڭعان ادامدى كٶرگەنٸم جوق. سونىڭ بٸرٸ - مەنمٸن. بٸز ەدەتتە نەپسٸنٸڭ قالاۋىن ۇرپاق, وتان, ت.ب. بيٸك ۇعىمدارمەن كٶلەگەيلەيمٸز. ۇرپاق كەرەك بولسا, - بٸر ەيەلدەن دە ٶربٸتۋگە بولادى. نەپسٸڭە يە بولساڭ, ەنەرگيياڭدى سىرتقا شاشپاساڭ - ۇرپاعىڭ كٶپ بولادى.
بۇرىن توقال الۋ - قاجەتتٸلٸك بولعان, قازٸر - نەپسٸنٸڭ قالاۋى, قۇمارلىق, قالا بەردٸ - ماقتان. بۇرىن مەن وسى مەسەلەنٸ كٶپ كٶتەردٸم. ايتتىم. ايتقان نەرسە مٸندەتتٸ تٷردە جٷزەگە اسادى ەكەن.ۇرپاق دەدٸك. نەگٸزگٸ ۇرانىمىز وسى بولدى. بٸراق بەرەكەنٸ ويلامادىق. ويلاۋعا شامامىز دا بولمادى. باسى قاتتى نەپسٸمٸزدٸ توقتاتا المادىق. قايراتىمىز جەتپەدٸ", - دەيدٸ ومار جەلەل.
جەلەل باسىنان ٶتكەن وقيعا - "اششى تەجٸريبە بولعانىن" ايتادى.
"بٸراز ادامدارعا جەل بەردٸم. ەلٸ كٷنگە دەيٸن بٸراز جٸگٸتتەر "سٸزدٸڭ وسى ەڭگٸمەڭٸز ۇنايدى" دەيدٸ. نەپسٸلەرٸنە ۇناپ تۇرعانىمەن شارۋاسى جوق. قىزبا باستار كٶرگٸسٸ كەلەدٸ. ارتىن ويلاپ جاتقان ەشكٸم جوق. ولارعا بۇل - قىزىق. شىجىعىن ەشكٸم ويلاپ جاتقان جوق. ال مەن, "توقال الماڭدار" دەيمٸن. ٶز اششى تەجٸريبەمنەن ايتىپ وتىرمىن. وتباسىنىڭ شىرقىن بۇزباڭدار. العان جارلارىڭدى قادٸرلەڭدەر. ۇرپاق كەرەك بولسا, سولار- اق تۋىپ بەرەدٸ. بۇل سٶزدٸ مەن ايتۋعا تيٸسپٸن. ٷيتكەنٸ كٶپ جٸگٸتتەر مەنٸڭ سٶزٸمە ەردٸ. مەنٸڭ سٶزٸم ولارعا دەمەۋ بولدى. ەلدٸڭ الدىندا جٷرگەن سوڭ ەر سٶزٸڭە جاۋاپ بەرۋٸڭ كەرەك. مەن وسىلاي ٶزٸمنٸڭ قاتە ايتقان سٶزٸمە جاۋاپ بەرٸپ وتىرمىن", - دەيدٸ ول.
ومار جەلەلدٸڭ سٶزٸنشە, ول "ٶز يدەياسىنىڭ قۇربانى".
"ەگەر مەنٸڭ ەسەرٸمنەن وتباسى بۇزىلسا, يٸلٸپ تۇرىپ كەشٸرٸم سۇرايمىن. مەن - ٶز يدەيامنىڭ قۇربانىمىن. بۇل يدەيا ٸس جٷزٸندە ٶزٸنٸڭ دۇرىس ەمەستٸگٸن كٶرسەتتٸ. بۇرىن توقالدى بەيبٸشەلەر ٶزدەرٸ الىپ بەرەتٸن. بۇل مەسەلە ٶمٸرلٸك قاجەتتٸلٸگٸ بولعاندىقتان عانا دانالىقپەن شەشٸلەتٸن. ول زامان ەندٸ كەلمەسكە كەتتٸ. زامان ٶزگەرٸپ كەتتٸ. ون توعىزىنشى عاسىردىڭ يدەياسى قازٸر ٶتپەيدٸ. مەن وسىنى ايتايىن دەپ ەدٸم. مەن وسىنى ايتۋعا تيٸس ەدٸم. بۇنى مەنٸڭ ايتۋعا حاقىم بار. ٶيتكەنٸ بۇل "قىزىقتى" مولىنان باسىمنان ٶتكەردٸم. شەكەرٸمشە ايتساق, اپانعا قۇلاپ كەتٸپ, "اپانعا تٷسپەڭدەر!" دەپ ايقالاسام, مەنٸڭ نە كٸنەم بار?!", - دەيدٸ ومار جەلەل.
