ق ر پارلامەنتى ءماجىلىسىنىڭ دەپۋتاتى ولجاس قۇسپەكوۆ ۋتيلالىم تۋرالى ويىن ايتتى، – دەپ حابارلايدى qandastar.kz.
ونىڭ ايتۋىنشا، ۋتيليزاسيانى وندىرىستەن اجىراتۋ كەرەك. بۇل – ەكولوگيالىق ماسەلە.
«وتىنىشتەردى قاراۋ اياسىندا ءبىز يندۋستريا مينيسترلىگىنىڭ ۋتيليزاسيانىڭ نە ءۇشىن قاجەت ەكەنىن ءتۇسىندىرىپ جاتقانىن كوردىك. بۇل – ەكولوگياعا قاتىستى مۇلدە باسقا ماسەلە، سوندىقتان ونى كونسەپتۋالدى تۇردە دە، پراكتيكالىق تۇرعىدان دا اجىراتۋ قاجەت، – دەدى ول.
دەپۋتات تەحنيكالىق رەگلامەنتكە قاتىستى سۇراقتاردىڭ دا قوردالانعانىن مەڭزەدى.
«ەلىمىزدە تەحنيكالىق رەگلامەنتكە ساي كەلمەيتىن كولىكتەر قالاي پايدا بولادى؟ بۇل – امەريكالىق وندىرۋشىلەر، بۇل قازىرگى ۋاقىتتا نارىقتا بار وڭ جاق ءرۋلدى كولىكتەر. بۇل جول-كولىك وقيعالارىن ارتتىرادى جانە ءولىم-جىتىمدى كوبەيتەدى جانە ول شۇعىل شەشىمدى تالاپ ەتەدى. مەنىڭ ويىمشا، ءبىز ماجىلىسپەن جانە ۇكىمەتپەن بىرگە ولاردى جاقىن ارادا قاراستىرامىز. قاجەت بولسا، دامىعان ەلدەردىڭ تاجىريبەسىنە سۇيەنە وتىرىپ، اۆتوكولىك ءوندىرىسى تۋرالى زاڭدى ازىرلەۋ قاجەت»، – دەپ تۇيىندەدى ول ويىن.
ايتا كەتەيىك، بۇگىن ۋتيلاليزاسيالىق الىمدى الىپ تاستاۋ بويىنشا 50 مىڭ قول جيناعان پەتيسياعا قاتىستى قوعامدىق تىڭداۋ وتەدى.
