QR Parlamenti Májilisiniń depýtaty Oljas Quspekov ýtilalym týraly oiyn aitty, – dep habarlaidy qandastar.kz.
Onyń aitýynsha, ýtilizatsiiany óndiristen ajyratý kerek. Bul – ekologiialyq másele.
«Ótinishterdi qaraý aiasynda biz Indýstriia ministrliginiń ýtilizatsiianyń ne úshin qajet ekenin túsindirip jatqanyn kórdik. Bul – ekologiiaǵa qatysty múlde basqa másele, sondyqtan ony kontseptýaldy túrde de, praktikalyq turǵydan da ajyratý qajet, – dedi ol.
Depýtat tehnikalyq reglamentke qatysty suraqtardyń da qordalanǵanyn meńzedi.
«Elimizde tehnikalyq reglamentke sai kelmeitin kólikter qalai paida bolady? Bul – amerikalyq óndirýshiler, bul qazirgi ýaqytta naryqta bar oń jaq rýldi kólikter. Bul jol-kólik oqiǵalaryn arttyrady jáne ólim-jitimdi kóbeitedi jáne ol shuǵyl sheshimdi talap etedi. Meniń oiymsha, biz Májilispen jáne úkimetpen birge olardy jaqyn arada qarastyramyz. Qajet bolsa, damyǵan elderdiń tájiribesine súiene otyryp, avtokólik óndirisi týraly zańdy ázirleý qajet», – dep túiindedi ol oiyn.
Aita keteiik, búgin ýtilalizatsiialyq alymdy alyp tastaý boiynsha 50 myń qol jinaǵan petitsiiaǵa qatysty qoǵamdyq tyńdaý ótedi.
