الماتى قالاسى اكىمدىگى جانىنان قۇرىلعان قوعامدىق كەڭەستىڭ وكىلدەرى قالانى باس سانيتار دارىگەرى ايزات مولداعاسىموۆاعا قاتىستى قىزمەتتىك تەكسەرۋ جۇرگىزۋ تۋراسىندا باقىتجان ساعىنتايەۆقا تالاپ قويدى. بۇل جايىندا قوعامدىق كەڭەستىڭ مۇشەسى مارات شيبۇتوۆا ايتتى، – دەپ حابارلايدى Dalanews.kz اقپارات اگەنتتىگى.

– الماتى قالاسى قوعامدىق كەڭەسى قالانىڭ باس سانيتار دارىگەرى ايزات مولداعاسىموۆانىڭ كارانتين ءتارتىبىن بۇزىپ، قىزمەتىنە لايىقسىز ارەكەتكە بارعانى بارشاعا ءمالىم. ول ىندەت جۇقتىرعان ادامدارمەن بىرگە ۇشىپ كەلگەننەن كەيىن جاريالانعان كارانتينگە سايكەس وقشاۋلانباي، جۇمىسقا شىعىپ جينالاستارعا قاتىستى. وسى ىس-ارەكەتىمەن ول جاۋاپتى قىزمەتتى اتقارۋعا لايىقتى جان ەمەس ەكەنىن كورسەتتى، – دەدى مارتا شيبۇتوۆ.

قوعامدىق كەڭەستىڭ اكىمگە جولداعان حاتىندا ايزات مولداعاسىموۆانىڭ ىندەت تاراعان ءقاۋىپتى 1ب ساناتىنداعى ەلگە بارىپ، ەلگە كەلگەن سوڭ پروفيلاكتيكالىق ساقتىق شارالارىنا پىسقىرىپ تا قاراماعانىن اتاپ كورسەتكەن. ەندىگى شەشىمدى باقىتجان ساعىنتايەۆ قابىلداۋى ءتيىس.