«اسسامبلەيا - ەلىمىزدەگى قوعامدىق-ساياسي تۇراقتىلىقتى، ەتنوسارالىق كەلىسىمدى ودان ءارى نىعايتۋعا باعىتتالعان جۇمىستارىن جالعاستىرۋ قاجەت. اتالعان مىندەتتەردى ورىنداۋ جولىندا ەل بىرلىگىن ساقتاي وتىرىپ، رۋحاني جاڭعىرعان باسەكەگە قابىلەتتى قوعام قالىپتاستىرۋعا ۇلەس قوسۋ – ءبارىمىزدىڭ قاستەرلى پارىزىمىز. بارشاڭىزدى الدا كەلە جاتقان 1 مامىر – قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتاۋعا رۇقسات ەتىڭىزدەر»، - دەدى وبلىس اكىمى ءومىرزاق شوكەيەۆ.
«وبلىسقا سىڭىرگەن ەڭبەگى ءۇشىن» ءتوس بەلگىسىمەن تۇركىستان وبلىستىق يران ەتنومادەني بىرلەستىگىنىڭ ءتوراعاسى نۋرسبەك كاپار-پۋر، تۇركىستان وبلىستىق «احىسقا» تۇرىك ەتنومادەني بىرلەستىگىنىڭ ءتوراعاسى سارمانباي سافاروۆ جانە تۇركىستان وبلىستىق تاجىك ەتنومادەني بىرلەستىگىنىڭ ءتوراعاسى يۋلداش سۇلتانوۆ ماراپاتتادى.
