الماتى قالاسىنداعى نازارباەۆ زيياتكەرلٸك مەكتەبٸندە ورىن العان وقيعاعا بايلانىستى مەكتەپ ەكٸمشٸلٸگٸ وقۋشىمەن, ونىڭ اتا-اناسىمەن جەنە ۇستازدارمەن كەزدەسۋ ٶتكٸزدٸ. بۇل كەزدەسۋگە وقۋ-اعارتۋ مينيسترلٸگٸنٸڭ ٶكٸلدەرٸ, بالا قۇقىقتارى جٶنٸندەگٸ ٶڭٸرلٸك ۋەكٸل مەن قوعامدىق كەڭەس مٷشەلەرٸ دە قاتىستى, دەپ حابارلايدى Dalanews.kz.
كەزدەسۋ بارىسىندا مەكتەپ تاراپىنان بۇرىن قابىلدانعان شەشٸم قايتا قارالىپ, جان-جاقتى تالقىلاندى. الايدا مەكتەپ باسشىلىعى بۇل شەشٸمنٸڭ كٷشٸندە قالاتىنىن مەلٸمدەدٸ: وقۋشى نازارباەۆ زيياتكەرلٸك مەكتەبٸنەن شىعارىلىپ, مەملەكەتتٸك جالپى بٸلٸم بەرەتٸن مەكتەپكە اۋىستىرىلدى. نزم باسقارما تٶراعاسى انۋار جانعوزيننٸڭ ايتۋىنشا, وقۋشىنىڭ اتا-اناسى بۇل شەشٸمگە قارسى ەمەس.
“نازارباەۆ زيياتكەرلٸك مەكتەپتەرٸ وقۋشىلارمەن ەردايىم ٶزارا قۇرمەت پەن سەنٸمگە نەگٸزدەلگەن قارىم-قاتىناس ورناتۋعا ۇمتىلادى. سونىمەن قاتار مۇعالٸمدەرگە دەگەن قۇرمەت — مەكتەپتٸڭ باستى قاعيدالارىنىڭ بٸرٸ”, – دەدٸ جانعوزين.
ول قوعام تاراپىنان بٸلدٸرٸلگەن الاڭداۋشىلىققا العىس ايتىپ, اشىق كەرٸ بايلانىستىڭ ماڭىزىن اتاپ ٶتتٸ. سونداي-اق جاعدايعا جٸتٸ كٶڭٸل بٶلگەن وقۋ-اعارتۋ مينيسترلٸگٸ مەن بالا قۇقىقتارى جٶنٸندەگٸ ۋەكٸلدەرگە ريزاشىلىعىن بٸلدٸردٸ.
ەسكە سالايىق, الماتىداعى نازارباەۆ زيياتكەرلٸك مەكتەبٸندە 11-سىنىپ وقۋشىسىنىڭ وقۋدان شىعارىلۋى قوعامدا قىزۋ پٸكٸرتالاس تۋدىردى. 23 مامىردا مەكتەپ ەكٸمشٸلٸگٸ جاسٶسپٸرٸمدٸ تەرتٸپ ەرەجەسٸن بۇزدى دەپ وقۋدان شىعارعان. كەيٸننەن وقۋشى ۆيدەوٷندەۋ جاساپ, كٸنەسٸن مويىنداپ, كەشٸرٸم سۇرادى.
مەكتەپ ۇسىنعان مەلٸمەتكە سەيكەس, قورىتىندى باعالاۋ كەزٸندە وقۋشى تەلەفون قولدانعان, مۇعالٸم ەسكەرتۋ جاساعاندا, ۇستازعا بالاعات سٶز ايتقان. وسى وقيعادان كەيٸن مەسەلە تەرتٸپتٸك كەڭەستە قارالىپ, وقۋشىنى مەكتەپتەن شىعارۋ تۋرالى شەشٸم قابىلدانعان.
جاسٶسپٸرٸم جارييالاعان بەينەٷندەۋدە ٶز ەرەكەتٸنە ٶكٸنٸش بٸلدٸرٸپ, بٸرنەشە رەت كەشٸرٸم سۇراعانىن ايتادى. ول وقۋىن سول مەكتەپتە جالعاستىرۋعا مٷمكٸندٸك بەرۋدٸ سۇراپ, قاجەت بولسا, قوعامدىق جۇمىسقا تارتىلۋعا نەمەسە ٶزگە تەرتٸپتٸك شارالارعا دايىن ەكەنٸن مەلٸمدەگەن. سونىمەن بٸرگە, مۇعالٸمدەر مەن اتا-انالار تاراپىنان ٶزٸنە قاتىستى جالعان اقپارات تارالعانىن جەتكٸزدٸ.
"ەگەر ماعان وسى مەكتەپتە وقۋىمدى جالعاستىرۋعا مٷمكٸندٸك بەرٸلسە, تەرتٸپتٸك جازاعا دا, قوعامدىق جۇمىسقا دا دايىنمىن", – دەدٸ ول بەينەٷندەۋٸندە.
وقۋشىنىڭ جاعدايى ۋشىعىپ كەتكەن سوڭ, قوعام بەلسەندٸسٸ ايدا بۋكاەۆا ونىڭ دەنساۋلىعى كٷرت ناشارلاعانىن حابارلادى. ونىڭ ايتۋىنشا, جاسٶسپٸرٸم بٸرنەشە كٷن تاماق ٸشپەي, جٷيكە جٷيەسٸ سىر بەرگەن, تٸپتٸ جەدەل جەردەممەن اۋرۋحاناعا جەتكٸزٸلگەن.
