Abai.kz جارييالاعان اتالمىش حاتقا ەلٸمٸزدەگٸ بٸرقاتار اقپارات قۇرالدارى مەن ەلەۋمەتتٸك جەلٸ قولدانۋشىلارى ٷن قوسىپ, ينتەرنەت بەتٸندە وسى وتباسىنىڭ جايى بٸراز تالقىعا تٷستٸ. سول-اق ەكەن نۇرتٸلەۋدٸڭ وتباسىنا كٶمەك قولىن سوزعىسى كەلەتٸن ازاماتتار كٶپتەپ تابىلىپ, نۇرتٸلەۋدٸڭ وتباسى ٷيلٸ بولدى.
ەندٸ مٸنە, بٸر جاسار نۇرتٸلەۋٸمٸز ەل ازاماتتارىنا العىس ايتىپ, تاعى دا حات جولداپتى. وسى وتباسىنىڭ ٷيلٸ بولۋىنا Abai.kz اقپاراتتىق پورتالى ازدى-كٶپتٸ ىقپال ەتكەن سوڭ, دەستٷر بويىنشا سەبي نۇرتٸلەۋدٸڭ بٸر سٶزٸن دە ٶزگەرتپەي, ونىڭ الاش جۇرتىنا العىس حاتىن جارييالاپ وتىرمىز.
ەل ازاماتتارىنا العىس حات
قۇرمەتتٸ قازاق حالقىنىڭ جاناشىر ازاماتتارى, قۇرمەتتٸ اماندىق اتا! مەنٸڭ, مەنٸڭ وتباسىمنىڭ سٸزدەرگە دەگەن ريزاشىلىعىن اۋىزبەن ايتىپ جەتكٸزۋ مٷمكٸن ەمەس. قاتتى قۋانىشتىمىز! ٶيتكەنٸ, سٸزدەردٸڭ ارقاڭىزدا ٷيلٸ بولدىق. ٷيدٸڭ كٸلتٸ, قۇجاتى, مٸنە, قولىمىزدا.
ٶتكەندە الماتى وبلىسىنىڭ ەكٸمٸ اماندىق باتالوۆقا وسى Abai.kz اقپاراتتىق پورتالى ارقىلى ٷشبۋ حات جولداعان ەدٸم. سول حاتىم ٶزگە دە اقپاراتتىق سايتتاردا جارييالانىپ, بٸرنەشە كٷن ەلەۋمەتتٸك جەلٸلەردە تالقىلاندى. مەنٸڭ سەبي جٷرەگٸمدٸ جارىپ شىققان جانايقايىم بٸراز جۇرتتىڭ جاناشىرلىق سەزٸمٸن وياتسا كەرەك. بٸر-اق كٷندە بٸزدٸڭ ٶمٸرٸمٸز ٶزگەرٸپ سالا بەردٸ.
انامنىڭ جانارىنداعى جاس قۋانىشتان تٶگٸلدٸ. ەكەمنٸڭ قاباعىنداعى مۇڭ ەپ cەتتە سەيٸلدٸ. باۋىرلارىم ەنە, قولدارىنا اbai.kz سايتىندا جارييالانعان ماقالانى قاعازعا شىعارىپ الىپ, "بٸز ەل-جۇرتتىڭ ارقاسىندا ٷيلٸ بولاتىن بولدىق" دەپ اسىر-سالىپ ويناپ جٷر.
بٸزدٸ تانيتىن تانىستارىمىز, تۋىستارىمىز, كٶرشٸلەرٸمٸز, بەرٸ-بەرٸ سٸزدەرگە, ەل ازاماتتارىنا, اماندىق اتاعا العىستارىن جاۋدىرۋدا.
شىنىمدى ايتايىن, مەن تٷس كٶرٸپ جاتقان سيياقتىمىن. «بۇل وقيعالار ٶڭٸمدە بولىپ جاتىر» دەگەنگە ەلٸ سەنە الار ەمەسپٸن. مەنٸڭ, مەنٸڭ وتباسىمنىڭ «ٶز ٷيٸ, ٶلەڭ تٶسەگٸ» بار ەندٸ. سىز ەدەن, سىزدانعان قابىرعا, كٶك يٸستەن بٸرجولا قۇتىلاتىن بولدىق.
ەكەم جالعا الاتىن پەتەر ٸزدەپ تالاي ەسٸكتٸ توزدىرىپ ەدٸ. پەتەردەن پەتەر اۋىستىرىپ جٷرٸپ, بٸز نە كٶرمەدٸك?. كٸمنٸڭ جەبٸر سٶزٸن ەستٸمەدٸك?. ونىڭ بەرٸ ارتتا قالدى. ۇمىتىلادى, ەلٸ-اق!
قۇرمەتتٸ وقىرمان قاۋىم! مەن سٸزدەرگە ٶزٸمٸزدٸڭ ٷيٸمٸزدٸڭ سۋرەتٸن كٶرسەتٸپ ماقتانايىنشى. مٸنە, بٸزدٸڭ ٷي. سٸزدەردٸڭ بٸزگە سىيلاعان ٷيلەرٸڭٸز... بٸراق, بۇل ٷيدٸڭ بۇرىنعى ەگەلەرٸ ەلٸ كٶشٸپ ٷلگەرمەي جاتىر. ٷيدٸڭ ٸشٸندەگٸ جيھازدار سول كٸسٸلەردٸكٸ.
ەدەمٸ, يە! ەندٸ ەكە-شەشەم كٶمٸر جاعىپ ەۋرە بولمايدى. اسحانامىز دا – كەڭ. ٷش جاتىن بٶلمەمٸز بار. قوناق بٶلمەمٸز – ات شاپتىرىم. دۋمان اعام ەندٸ مەشينەسٸمەن اياق-قولىمدى باسىپ كەتپەيدٸ. قايسار اعام ساباعىنا كەڭ بٶلمەدە وتىرىپ دايىندالاتىن بولادى. مەكتەبٸمٸز ٷيگە تيٸپ تۇر. مۇنداي ٷيدە تۇرعان بالا ٶزٸن «باقىتتىمىن» دەۋگە تولىق قۇقىلى. مەن باقىتتىمىن, بٸز باقىتتىمىز!
ەكەم ايتادى: "بٸزگە قول ۇشىن سوزعان ازاماتتاردىڭ جاقسىلىعى قۇدايدان قايتسىن» دەپ...
بٸلەسٸز, بٸز شاڭىراقتا – سەگٸز ۇلمىز. ەلەۋمەتتٸك جەلٸلەردە «جاعدايى جوق بولا تۇرا, مۇنشا بالانى نەگە تابا بەرگەن?» دەگەندەر دە بولدى. انامنىڭ ارمانى – قىزدى بولۋ. ول كٸسٸ ىلعي دا: «قىزىم بولسا, سەندەر انا سىيلاۋدى, جار سىيلاۋدى ٷيرەنەر ەدٸڭدەر» دەپ وتىرادى. دەمەك, بٸزگە قارىنداس كەرەك. ول قارىنداسىم قۇداي قالاسا, داڭعاراداي ٷيدە ٶمٸر ەسٸگٸن اشاتىن بولادى.
ال, ەندٸ مەنٸڭ باۋىرلارىمنىڭ سٸزدەرگە دەگەن العىسىن قابىل الىڭىزدار...
ٷيدٸڭ ٸشٸ قازٸر دەل وسىنداي العىس حاتتارعا تولىپ كەتتٸ.
مۇنىڭ بەرٸ قۋانىشتان بولىپ جاتقانىن تٷسٸنگەيسٸز.
وسى حاتتى وقىپ وتىرعان ەر ازاماتقا العىسىم شەكسٸز. مەنٸڭ جانايقايىمدى بٷكٸل قازاقستانعا تاراتقان Abai.kz اقپاراتتىق پورتالىنا, سونىمەن قاتار وسى تاقىرىپتى ٸلٸپ ەكەتكەن بٷكٸل قازاق سايتتارىنا – ريزامىز. بٸزدٸڭ جايىمىزعا الاڭداپ, ٷن قوسقان ەر قازاققا «جاساعان جاقسىلىقتارىڭىز اللادان قايتسىن» دەگٸم كەلەدٸ. تٸپتٸ كەيبٸر ازاماتتار «جەكە شوت اشىڭدار, كٶمەك رەتٸندە اقشا اۋدارايىق» دەدٸ. وعان ەكەم مەن انام قارسى بولدى. «بٸزدٸڭ اتىمتاي جومارت ازاماتتار سىيلاعان ٷيٸمٸز بار, ٷيٸ بار ادام ەشكٸمگە قول جايماۋعا تيٸس» دەيدٸ ولار. اتا-انامنىڭ بۇل ويى دۇرىس ەمەس پە?!
كەشە ەكەم مەن انام ٷيدٸڭ قۇجاتتارىن ەكەپ: «بۇل ٷيدٸڭ يەسٸ – سەنسٸڭ» دەدٸ. قۇجاتتاردى تەكسەرٸپ كٶردٸم. بەرٸ دۇرىس ەكەن.
قۇرمەتتٸ وقىرمان, سٸزدەرگە ايتاتىن سٶزٸم ٶتە كٶپ... بٸراق, سول سٶزدٸڭ بەرٸن تٸزسەم دە, مەنٸڭ شاتتانعان كٶڭٸلٸمنٸڭ پەرنەسٸن دەل باسا الاتىن ەمەس. «اۋىزبەن ايتىپ جەتكٸزە المايتىن قۋانىش بولادى» دەيدٸ عوي ٷلكەندەر. بٸزدٸڭ قۋانىشىمىز – دەل سونداي قۋانىش.
ەر قازاقتىڭ ٷيٸندە وسىنداي شات كٷندەر مول بولسىن!
باي, قۋاتتى بولايىق!
سەلەمنەن, بٸر جاسقا تولماعان نۇرتٸلەۋ بالالارىڭىز...
P.S. بٷگٸن الماتى وبلىسىنىڭ ەكٸمٸ اماندىق باتالوۆ ارنايى تالعار قالاسىنا بارىپ, نۇرتٸلەۋدٸڭ تٸلەگٸن ورىنداعان كەسٸپكەرلەر مەن اتىمتاي جومارت ازاماتتارعا العىسىن ايتتى. سونداي-اق, نۇرتٸلەۋدٸڭ حاتتى قاتتى ەسەر ەتكەنٸن, سول ٷشٸن دە وسى بٸر قۋانىشتى بٶلٸسۋ ٷشٸن كەلگەنٸن تٸلگە تيەك ەتتٸ.
دەرەككٶز: Abai.kz
