"كٷدٸكتٸ جازادان سىتىلىپ كەتۋٸ مٷمكٸن". شىمكەنتتە قازا تاپقان نۇراي سەرٸكبايدىڭ اعاسى وسىلاي دەپ مەلٸمدەدٸ. ونىڭ ايتۋىنشا, كٸسٸ ٶلٸمٸنە كٷدٸكتٸ شەرحان ايماحان قازٸر شىمكەنتتەگٸ يزولياتوردا ەمەس. سونداي-اق, جٷرگٸزٸلگەن ساراپتاما قورىتىندىسىندا ونىڭ پسيحيكالىق اۋىتقۋى بار ەكەنٸ كٶرسەتٸلگەن. الايدا جەبٸرلەنۋشٸ تاراپ بۇل تۇجىرىممەن كەلٸسپەيدٸ. بۇل تۋرالى "جەتٸنشٸ ارنانىڭ" رەپورتاجىندا ايتىلعان, دەپ حابارلايدى Dalanews.kz.
نۇراي سەرٸكبايدىڭ اعاسى كٷدٸكتٸنٸڭ دەنٸ ساۋ ەكەنٸنە سەنٸمدٸ.
"ول جالعان انىقتاما جاساتىپ, جازادان قۇتىلىپ كەتۋٸ مٷمكٸن دەپ قورقامىز", - دەيدٸ ول.
ونىڭ ايتۋىنشا, ٷش ايعا سوزىلعان تەرگەۋدەن دە ەلٸ ەشقانداي ماردىمدى جاۋاپ الماعان.
"بٸرٸنشٸسٸ شىمكەنتتە قارالعان بولاتىن, "پسيحيكالىق اۋىتقۋى بايقالعان" دەپ انىقتاما بەرگەن. بٸز وعان سەنبەي, الماتىدان ساراپتاما تالاپ ەتتٸك, كٷدٸكتٸ سول جاققا باردى, ول جاقتا دا وسىنداي انىقتاما بەردٸ. ەندٸ بۇل جەردە سيمۋلياتسييانىڭ ماكسيمالدى بەلگٸلەرٸ كٶرٸنٸپ تۇر. ٶيتكەنٸ كٷدٸكتٸ - كەدٸمگٸ ورتادا ٶمٸر سٷرٸپ جٷرگەن ادام, ساۋ ادام. ەستٸگەنٸم بويىنشا قازٸر كٷدٸكتٸ شىمكەنت قالاسىندا ەمەس. ول تالعارداعى پسيحيكالىق ەمدەۋ ورتالىعىندا. "ەمدەلٸپ جاتىر" دەگەن انىقتاما العانشا, ول جاقتا ۋاقىتىن ٶتكٸزە بەرەدٸ", - دەدٸ سۇلتان سەرٸكباي.
جەبٸرلەنۋشٸ تاراپتىڭ ادۆوكاتى ايانحان وماروۆ تا تەرگەۋ سوزىلىپ جاتقانىن جوققا شىعارمايدى. كٷدٸكتٸنٸڭ مٸنەز-قۇلقىن انىقتاۋعا ارنالعان ساراپتامالاردىڭ نەتيجەسٸ دە ەلٸ جارييالانباعانىن ايتادى.
ايتا كەتەيٸك, 11 قاڭتاردا شىمكەنتتە 21 جاستاعى نۇراي سەرٸكباي پىشاق جاراقاتتارىنان كٶز جۇمدى. قايعىلى وقيعا بەينەباقىلاۋ كامەرالارىنا تٷسٸپ قالعان.
مارقۇمنىڭ تۋىستارىنىڭ ايتۋىنشا, نۇراي سەرٸكباي 11 رەت پىشاق جاراقاتىن العان.
كەيٸنٸرەك پوليتسييا قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا 21 جاستاعى تۇرعىندى ٶلتٸردٸ دەگەن كٷدٸكتٸ ەر ادامدى ۇستادى.
سونىمەن قاتار, پرەزيدەنت ۇلتتىق قۇرىلتايدا شىمكەنتتٸك نۇرايدىڭ ٶلٸمٸنە قاتىستى پٸكٸر بٸلدٸردٸ.
