بۇل شارانى سينەرگيا بيزنەس مەكتەبى ەرەكشە قاجەتتىلىكتەرى بار ادامدارعا، كوپ بالالى جانە از قامتىلعان وتباسىلارىنا تارتۋ ەتتى. ءىس-شارا اكىمدىكتىڭ قولداۋىمەن ءوتتى.
نيك ۆۋيچيچ قالا تۇرعىندارىنا ءوز جەتىستىكتەرىنىڭ تاريحىن ايتىپ، ەشقاشان قولدارىن تۇسىرمەۋگە، ماقساتقا جەتۋ جانە بالالاردى باسقالاردىڭ ەڭبەگىن باعالاي بىلۋگە، تابىسقا ۇقىپتى قاراۋعا ۇيرەتۋ ادىستەرىمەن ءبولىستى.
"مەن كىشكەنتاي ۇلىما اقشا بەرمەيمىن. ول ماعان كەلىپ، ويىنشىق الىپ بەرۋىمدى سۇرادى. مەن وعان بارىپ، ءوزىڭ ساتىپ ال دەپ جاۋاپ قايتاردىم. سوندا مەنىڭ 6 جاسار ۇلىم اڭ-تاڭ بولىپ:"اكە، مەندە اقشا جوق قوي"، -دەدى. ناتيجەسىندە اناسىنا ءۇي جيناۋعا كومەكتەسىپ، مەنىڭ ماشينامنىڭ شاڭىن سورىپ، ويىنشىققا اقشا جيناي باستادى. ول وزگەنىڭ ەڭبەگىن باعالاي باستادى. ەڭبەك ەتىپ، قاجەتتى سومانى جيناپ بولعان سوڭ، ول ويىنشىقتى ساتىپ الۋدان باس تارتتى. ويىنشىق ونىڭ قاجىرلى ەڭبەگىمەن تەپە-تەڭ ەمەس ەكەندىگىن ءتۇسىندى"، - دەدى ن. ۆۋيچيچ.
ا. كولگىنوۆ ۇيىمداستىرۋشىلارعا، ۆۋيچيچ مىرزاعا جانە ي. پينتوسيەۆيچكە موتيۆاسيالىق سپيچتەرى، كەيستەر مەن تاپسىرمالار ءۇشىن العىسىن ءبىلدىردى.
قالا اكىمى 35 مىڭ شاقىرۋدىڭ ىشىنەن ۆۋيچيچ مىرزا ەلورداعا كەلۋ ۇسىنىسىن قابىل العانىن اتاپ ءوتتى.
"ماقسات قويا ءبىلىپ، جۇمىس جاساپ، ادال ەڭبەكتەنىپ، سول العا قويعان ماقساتقا جەتۋ شارت. بۇگىن پايدالى كەيستەر بەرىلدى. ءبىز ولاردى ومىردە قولدانامىز دەپ ويلايمىن. ءبىلىم الۋ،وقۋ - ۇزدىكسىز پروسەسس ەكەنىن اتاپ وتكىم كەلەدى. ءبىز ۇنەمى ءبىلىم الۋىمىز كەرەك، ويتكەنى قازىرگى زامان تالابىنا ساي بولۋىمىز كەرەك. بۇگىن 3،500 ادام جالقاۋلىقتى جەڭىپ، الدىنا ماقسات قويا ءبىلدى دەپ ويلايمىن "، - دەدى ا. كولگىنوۆ.
