نۇر-سۇلتاندا تاعى ەكٸ ساۋدا ورتالىعىندا ۆاكتسينا ەگۋ پۋنكتٸ اشىلدى
قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ەلييا رٷستەموۆانىڭ ايتۋىنشا, ساۋدا-ويىن ساۋىق ورتالىقتارىندا ۆاكتسينالاۋ جۇمىسىن ۇيىمداستىرۋ شارالارى جاقسى نەتيجە كٶرسەتٸپ وتىر. مەسەلەن, "Mega Silk way" ساۋدا ورتالىعىندا اشىلعان پۋنكتە 2 100-دەن استام ادام ۆاكتسينا سالىپ ٷلگەرگەن.
"وسى شارالاردىڭ ارقاسىندا قالا تۇرعىندارىن ۆاكتسينالاۋ كٶرسەتكٸشٸ ارتىپ كەلەدٸ. العاشقى ۋاقىتتا تۇرعىندار ەكپە سالۋدان ٷرەيلەنسە, قازٸر كەرٸسٸنشە, جۇرت ۆاكتسينا العىسى كەلەتٸندەردٸڭ سانى كٶبەيٸپ كەلەدٸ", – دەيدٸ رٷستەموۆا.
بٷگٸندە نۇر-سۇلتان قالاسى بويىنشا ەكپە سالۋ پۋنكتتەرٸنٸڭ سانى 36-دان 100-گە دەيٸن ارتتى. جۇمىس ۋاقىتى 08:00-دەن 00:00-گە دەيٸن. ال ساۋدا ويىن-ساۋىق ورتالىقتارىندا ورنالاسقان پۋنكتتەر 10:00-دەن 22:00-گە دەيٸن اشىق بولادى.
بۇدان بٶلەك, قالادا ەڭبەك ۇجىمدارىن جاپپاي ۆاكتسيناتسييالاۋ ماقساتىندا كٶشپەلٸ بريگادالار جۇمىس ٸستەيدٸ. جالپى نۇر-سۇلتاندا كوروناۆيرۋسقا قارسى ۆاكتسينا العان ادامداردىڭ سانى 75 مىڭعا جەتتٸ.
