Nur-Sultanda taǵy eki saýda ortalyǵynda vaktsina egý pýnkti ashyldy
Qoǵamdyq densaýlyq saqtaý basqarmasy basshysynyń orynbasary Áliia Rústemovanyń aitýynsha, saýda-oiyn saýyq ortalyqtarynda vaktsinalaý jumysyn uiymdastyrý sharalary jaqsy nátije kórsetip otyr. Máselen, "Mega Silk way" saýda ortalyǵynda ashylǵan pýnkte 2 100-den astam adam vaktsina salyp úlgergen.
"Osy sharalardyń arqasynda qala turǵyndaryn vaktsinalaý kórsetkishi artyp keledi. Alǵashqy ýaqytta turǵyndar ekpe salýdan úreilense, qazir kerisinshe, jurt vaktsina alǵysy keletinderdiń sany kóbeiip keledi", – deidi Rústemova.
Búginde Nur-Sultan qalasy boiynsha ekpe salý pýnktteriniń sany 36-dan 100-ge deiin artty. Jumys ýaqyty 08:00-den 00:00-ge deiin. Al saýda oiyn-saýyq ortalyqtarynda ornalasqan pýnktter 10:00-den 22:00-ge deiin ashyq bolady.
Budan bólek, qalada eńbek ujymdaryn jappai vaktsinatsiialaý maqsatynda kóshpeli brigadalar jumys isteidi. Jalpy Nur-Sultanda koronavirýsqa qarsy vaktsina alǵan adamdardyń sany 75 myńǵa jetti.
