بيىل جارىس قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالىپ وتىر، دەپ حابارلايدى نۇر-سۇلتان اكىمدىگىنىڭ رەسمي سايتى.
بۇل مارافونعا 18 جاستان اسقان ەكپە العان جانە پتر-انىقتاماسىن ۇسىنعان 16 جاستان اسقان جەلاياقتار عانا قاتىسا الادى. قالادا قالىپتاسقان ەپيدەميولوگيالىق جاعدايعا بايلانىستى بيىل مارافونشىلار سانى قاتاڭ شەكتەلدى. بۇل رەتتە قاتىسۋشىلاردى قابىلداۋ «Ashyq» جۇيەسى ارقىلى جۇزەگە اسىرىلدى. ال سانيتارلىق نورمالار تولىق ساقتالادى.
مارافوندى ۇيىمداستىرۋ ءىسىن قالالىق دەنە شىنىقتىرۋ جانە سپورت باسقارماسى قولعا الدى.
Astana Marathon-2021 اياسىندا ەكى قاشىقتىق كوزدەلگەن: 18 جانە ودان جوعارى جاستاعى قاتىسۋشىلار ءۇشىن 42.2 كم، ال 16 جانە ودان جوعارى جاستاعى قاتىسۋشىلار ءۇشىن 10 كم.
قاتىسۋشىلار EXPO الدىنداعى الاڭدا بەلگىلەنگەن ورىنعا ءبىر ساعات بۇرىن جينالا باستادى. تاڭەرتەڭگى ساعات 6-دان باستاپ ولار جىلىنىپ، الەۋمەتتىك قاشىقتىقتى ۇمىتپاستان جاتتىعۋلار جاسادى. مۇندا ۇيىمداستىرۋشىلار شاي نەمەسە كوفە ءىشىپ، جىلىنۋعا بولاتىن فۋدكورت ۇيىمداستىردى.
«بۇل مەنىڭ ەڭ العاشقى مارافونىم، كوپتەن بەرى قاتىسۋدى قالاپ ءجۇر ەدىم، ەندى مىنە وسىندامىن. مۇنداي اۋقىمدى شارانى ۇزاق كۇتتىم، رۇقسات بەرىلىپ، ەندى مىنە ءوتىپ جاتىر. مەن ءۇشىن بۇل العاشقى رەسمي ستارت. مارافوندى 42،2 كم قاشىقتىقتا تولىق وتكىزەمىن. ال بۇعان شامامەن 2 جىل دايىندالدىم. سوڭعى 3-4 ايدا دايىندىعىمدى تىپتەن كۇشەيتتىم. ءوزىم جۇگىرۋدى جاقسى كورەمىن جانە ءبارىن سالاۋاتتى ءومىر سالتى مەن سپورتقا شاقىرامىن»، – دەدى ەلوردا تۇرعىنى وكسانا.
ايتا كەتۋ كەرەك، بيىلعى مارافون قاتىسۋشىلار ءۇشىن ەرەكشە بولماق، ويتكەنى بيىل ول "قولا" ستاتۋسىنا يە.
Bronze Label Road Races 2019 جىلعى قاراشادا World Athletics ۇيىمى تاراپىنان بەرىلىپ، تمد اۋماعىندا Astana Marathon وسىنداي ستاتۋسقا يە بولعان العاشقى جانە جالعىز مارافون وتكىزدى. 2018 جىلدان باستاپ Astana Marathon حالىقارالىق مارافوندار مەن جەلاياقاتار قاۋىمداستىعىنىڭ (AIMS) قۇرامىنا كىردى، ال 2020 جىلدان باستاپ Abbott World Marathon Majors Wanda Age Group جاس ەرەكشەلىك توپتارىندا مارافوننان الەم چەمپيوناتىنىڭ بىلىكتىلىك توبىنا ەندى.
ءوز كۇشىن سىناۋ ءۇشىن مارافونعا قازاقستان وڭىرلەرىنىڭ تۇرعىندارى عانا ەمەس، وزگە ەلدەردىڭ ازاماتتارى دا كەلدى.
«كوپتەن بەرى سپورتپەن دايىندالعان جوقپىن. سوندىقتان بۇگىن 10 كم عانا جۇگىرەيىن شەشتىم. بۇل ۇلكەن ءىس-شارا»، – دەپ ءبولىستى شۆەسيادان كەلگەن قاتىسۋشى مارتين.
قاتىسۋشىلار 10 كم قاشىقتىقتا رىسقۇلوۆ – قابانباي باتىر – ورىنبور – ماڭگىلىك ەل – رىسقۇلوۆ باعىتتارى بويىنشا جۇگىرەدى.
ال 42.2 كم قاشىقتىقتا جۇگىرۋ كەلەسى باعىت بويىنشا وتەدى: رىسقۇلوۆ – قابانباي باتىر – ورىنبور – ماڭگىلىك ەل – قالداياقوۆ – پانفيلوۆ – تاۋەلسىزدىك – ناجىمەدەنوۆ – نۇرماعامبەتوۆ – بايتۇرسىنوۆ – قوشقاربايەۆ – جۇمابايەۆ – مومىش ۇلى – ابىلاي حان – قاجىمۇقان – جۇمابايەۆ – قوشقاربايەۆ – قونايەۆ – قازاق راديوسى – دوستىق – ماڭگىلىك ەل – رىسقۇلوۆ.
«ەلورداداعى مارافون – كوڭىل-كۇيدى كوتەرەتىن، سەرگىتەتىن ورىن. ءوزىم 2018 جانە 2019 جىلدارى وتكەن مارافوندارعا قاتىسقانمىن، سوندىقتان تاجىريبەم بار. ءبىز بۇل ءىس-شارانى كوپتەن كۇتكەن ەدىك. بۇگىن از قاشىقتىقتا جۇگىرەمىن، قاتىسۋعا سوڭعى ساتتە بەل بۋدىم. كەشە عانا دوستارىمنىڭ كوبى تىركەلە باستادى، ولاردان قالمايىن دەپ مەن دە ۇلگەرىپ قالدىم. ەندى مىنە وسىندا تۇرمىن»، – دەدى ەلوردالىق ءاليا.
ەستەرىڭىزگە سالا كەتەيىك، ءىس-شارا قايىرىمدىلىق شاراسى بولىپ سانالادى. وسىلايشا، 2009 جىلدان باستاپ Astana Marathon ۇيىمداستىرۋشىلارى قازاقستاندىق قايىرىمدىلىق ۇيىمدارىنا 37 ملن تەڭگەدەن استام قاراجات جينادى.
