وتىرىس بارىسىندا اۋىل شارۋاشىلىعى مينيسترٸ ساپارحان وماروۆ اتاپ ٶتكەندەي, جايىلىم تاپشىلىعى مەسەلەسٸ ەلٸ كٷنگە دەيٸن شەشٸلمەي كەلەدٸ. زاڭ جٷزٸندە مەسەلە رەتتەلگەن – ەكٸمدٸكتەر جايىلىمداردى باسقارۋ جٶنٸندەگٸ جوسپارلاردى 2 جىل مەرزٸمگە ەزٸرلەۋٸ تيٸس. بٸراق بٷگٸنگٸ كٷنٸ 2020-2021 جىلدارعا ارنالعان جوسپارلار 190 اۋداننىڭ 98-ٸندە عانا بەكٸتٸلدٸ.
كەڭەس مٷشەلەرٸ 2021-2025 جىلدارعا ارنالعان اگروٶنەركەسٸپتٸك كەشەندٸ دامىتۋ جٶنٸندەگٸ ۇلتتىق جوبانى ٶز الدىنا بٶلەك تالقىلادى. جوبا شەڭبەرٸندە 2024 جىلعا قاراي قۇس ەتٸ, شۇجىق ٶنٸمدەرٸ, ٸرٸمشٸك پەن سٷزبە, الما مەن بالىق بويىنشا قامتاماسىز ەتٸلۋ – 100%-دى, ال قانت بويىنشا 80%-دى قۇراۋى تيٸس. مينيسترلٸكتٸڭ اقپاراتى بويىنشا 156 ينۆەستيتسييالىق جوبا 1,1 ملرد. دوللار كٶلەمٸندە اگرارلىق ٶنٸمنٸڭ قوسىمشا ەكسپورتىن قامتاماسىز ەتۋگە مٷمكٸندٸك بەرەدٸ.
وتىرىس قورىتىندىسى بويىنشا اگرارلىق كەڭەس ۇلتتىق جوبانى پارتييانىڭ سايلاۋالدى باعدارلاماسىنىڭ ينديكاتورلارىنا سەيكەس پىسىقتاۋدى ۇسىندى. بۇدان باسقا, مٷددەلٸ ورگاندار بٸر اي مەرزٸمدە بوس ۋچاسكەلەر بولعان جاعدايدا ەلدٸ مەكەندەردٸڭ اينالاسىندا 15 كم دەيٸنگٸ راديۋستاعى بوسالقى جەرلەردەن قوسىمشا جايىلىمدار بٶلۋ مەسەلەسٸن قاراۋى قاجەت. سونداي-اق ەكٸمدٸكتەرگە جەكە شارۋاشىلىقتارعا پايدالانىلماي جاتقان جايىلىمداردى ٶز ەركٸمەن قايتارۋ بويىنشا تٷسٸندٸرۋ جۇمىستارىن جٷرگٸزۋ ۇسىنىلدى.
