ەنەرگەتيكا مينيسترٸ ەرلان اقكەنجەنوۆ اتىراۋداعى NCOC قىزمەتكەرٸنٸڭ ٶلٸمٸنە قاتىستى تەرگەۋ جٷرٸپ جاتقانىن مەلٸمدەپ, مارقۇمنىڭ وتباسىنا كٶڭٸل ايتتى, – دەپ حابارلايدى Dalanews.kz.
مينيستردٸڭ پٸكٸرٸ
"ەرينە, ٶرەسكەل جاعداي ەكەنٸن مويىنداۋ كەرەك. وسى مٷمكٸندٸكتٸ پايدالانىپ, مينيستر رەتٸندە مارقۇمنىڭ وتباسى مەن جاقىندارىنا كٶڭٸل ايتقىم كەلەدٸ. مەن ونى تانىمايتىنمىن. قازٸر تەرگەۋ جٷرگٸزٸلٸپ جاتقانىن بٸلەمٸن. بۇل قىلمىسقا كٸنەلٸ ادامدار تابىلاتىنىنا جەنە لايىقتى تٷردە جازالاناتىنىنا سەنٸمدٸمٸن", - دەدٸ ول.
شەنەۋنٸك "بۇل جاعداي مارقۇمنىڭ جۇمىسىنا بايلانىستى بولۋى مٷمكٸن بە?" دەگەن ساۋالعا جاۋاپ بەردٸ.
"پٸكٸر بٸلدٸرە المايمىن. تەرگەۋ انىقتاپ, تيٸستٸ قورىتىندى شىعارادى دەپ ويلايمىن. بۇل جۇمىسقا بايلانىستى بولدى ما? ەلدە تۇرمىستىق زورلىق-زومبىلىق بولدى ما? جاۋاپ بەرە المايمىن, تەرگەۋ جٷرٸپ جاتىر", - دەدٸ مينيستر.
قايعىلى وقيعا
ەسكە سالايىق, 29 سەۋٸردە اتىراۋدا ٶز ٷيٸنەن 45 جاستاعى بيبٸگٷل شپانوۆا ٶلٸ تابىلعان بولاتىن. ونىڭ مۇناي-گاز سالاسىندا 20 جىلدان اسا تەجٸريبەسٸ بار, NCOC كومپانيياسىنىڭ بٶلٸم باسشىسى دا بولعان. پوليتسييا مەلٸمەتتەرٸ بويىنشا ەيەلدٸڭ دەنەسٸندە پىشاق جاراقاتتارى انىقتالعان, ال پەتەرٸندەگٸ سەيف اشىلعان.
مارقۇمنىڭ تۋىستارى ادام قۇقىقتارى بيۋروسىنا جٷگٸنٸپ, جان-جاقتى تەرگەۋ جٷرگٸزۋدٸ تالاپ ەتتٸ. ولار قىلمىستىڭ سەبەبٸ مارقۇمنىڭ كەسٸبي قىزمەتٸنە بايلانىستى بولۋى مٷمكٸن دەپ ەسەپتەيدٸ.
پوليتسييا نە دەيدٸ?
پوليتسييا كٷدٸكتٸنٸ, ياعني 1987 جىلى تۋعان ەر ادامدى ۇستاعانىن حابارلادى. ول ۋاقىتشا ۇستاۋ يزولياتورىنا قامالدى. "ادام ٶلتٸرۋ" بابى (قر قىلمىستىق كودەكسٸنٸڭ 99-بابىنىڭ 2-بٶلٸگٸ) بويىنشا قىلمىستىق ٸس قوزعالدى. زاتتاي ايعاقتار تەركٸلەنٸپ, تەرگەۋ جٷرگٸزٸلٸپ جاتىر.
ادام قۇقىقتارى بيۋروسى Facebook-تە جارييالاعان حابارلاماعا سٷيەنسەك, شپانوۆا ٸرٸ ۇلتتىق جوبالارعا, سونىڭ ٸشٸندە قاشاعان كەن ورنىن يگەرۋگە بايلانىستى جوبالارعا قاتىسقانى ايتىلعان.
"سوتالدى تەرگەۋ بارىسى اتىراۋ وبلىسى پوليتسييا دەپارتامەنتٸ باسشىلىعىنىڭ باقىلاۋىندا. ەلەۋمەتتٸك جەلٸ قولدانۋشىلارىن تەك رەسمي دەرەككٶزدەرگە سٷيەنۋگە, جالعان اقپارات تاراتۋدان اۋلاق بولۋعا شاقىرامىز", – دەدٸ پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ بۇعان دەيٸن.
