قازاقستاننىڭ تۇڭعىش پرەزيدەنتٸ, ەلباسى نۇرسۇلتان نازارباەۆتىڭ ەكٸنشٸ قىزى دينارا قۇلىباەۆا قازاقستاننىڭ ەڭ باي ەيەلٸ اتاندى, دەپ حابارلايدى dalanews.kz stan.kz كەلتٸرگەن دەرەكتەرگە سٸلتەمە جاساپ.
كەڭەس ٷكٸمەتٸ كٷيرەگەننەن كەيٸن 30 جىلدان كەيٸن پايدا بولعان ميللياردەرلەرگە ماقالا ارناعان Bloomberg دينارا قۇلىباەۆا مەن كٷيەۋٸ تيمۋر قۇلىباەۆ ەكەۋٸنٸڭ ەل-اۋقاتى 5 ميلليارد دوللارعا جەتەتٸنٸن ايتقان.
"ولار جۇلدىزدارمەن ارالاسادى, ساياساتپەن اينالىسادى, وراسان زور بايلىقتى, كەيبٸرٸ تٸپتٸ ەل بولاشاعىن ۋىستارىندا ۇستاپ تۇر", - دەلٸنگەن ماقالادا.
ماقالا اۆتورلارىنىڭ سٶزٸنشە, تمد ەلدەرٸندەگٸ ەڭ اۋقاتتى ازاماتتاردىڭ باسىم كٶپشٸلٸگٸ كوممۋنيستٸك رەجيم كٷيرەگەندە بيلٸك باسىنداعى توپقا جاقىن بولعان ادامدار.
ماقالادا دينارا قۇلىباەۆانىڭ ەكس-پرەزيدەنت نۇرسۇلتان نازارباەۆتىڭ قىزى ەكەنٸ, نەمەن اينالىساتىنى جەنە قانداي اكتيۆتەرٸ بار ەكەنٸ كٶرسەتٸلگەن.
"ول جۇبايى ەكەۋٸ ەلدەگٸ قارجى ينستيتۋتتارىن, ونىڭ ٸشٸندە ەڭ ٸرٸ قازاقستاندىق بانكتٸ, اۋىلشارۋاشىلىعى ٶنٸمدەرٸ مەن مۇناي ساۋداسىمەن اينالىساتىن كەسٸپورىنداردى باقىلايدى. سونداي-اق دۋباي مەن ٶز وتانىندا جىلجىمايتىن مٷلٸك سالاسىندا جوبالارى بار", - دەلٸنگەن اقپاراتتا.
دينارا مەن تيمۋر قۇلىباەۆتار باتىس جۋرناليستەرٸ مەن اقش ديپلوماتتارى اراسىندا ٶتە تانىمال ەكەنٸن ايتا كەتۋ كەرەك. كەزٸندە امەريكالىق ديپلوماتتار تيمۋر قۇلىباەۆقا "ەڭ سىرباز ميللياردەر" ("manicuired billionaire") دەگەن ات قويعان.
باسىلىم اتاپ ٶتكەندەي, قۇلىباەۆ كەلٸسسٶزدەر جٷرگٸزۋ ٶنەرٸن جەتٸك مەڭگەرگەن. Forbes Kazahstan جۋرنالىنىڭ 2019 جىلعى رەيتينگٸندە 3 100 000 000 دوللارمەن تيمۋر قۇلىباەۆ 3 ورىنعا, دەل وسىنداي اقشامەن دينارا قۇلىباەۆا 4 ورىنعا جايعاسقان. امەريكالىق Forbes وتباسىنىڭ اۋقاتىن 6,4 ملرد دوللارعا تەڭەيدٸ.
بۇرىنعى كەڭەس ٷكٸمەتٸنەن شىققان ميللياردەرلەر ٸشٸندە پەتر كەللنەر (چەحييا), زيگمۋنت سولورتس (پولشا), يۆان چرەنكو (سلوۆاكييا), يۆيتسا تودوريچ (حورۆاتييا), لورينك مەساروش (ۆەنگرييا), ۆلاديمير پوتانين, اندرەي مەلنيچەنكو, اركاديي روتەنبەرگ, ولەگ دەريپاسكا (رەسەي) بار.
