Qazaqstannyń tuńǵysh prezidenti, Elbasy Nursultan Nazarbaevtyń ekinshi qyzy Dinara Qulybaeva Qazaqstannyń eń bai áieli atandy, dep habarlaidy dalanews.kz stan.kz keltirgen derekterge silteme jasap.
Keńes úkimeti kúiregennen keiin 30 jyldan keiin paida bolǵan milliarderlerge maqala arnaǵan Bloomberg Dinara Qulybaeva men kúieýi Timýr Qulybaev ekeýiniń ál-aýqaty 5 milliard dollarǵa jetetinin aitqan.
"Olar juldyzdarmen aralasady, saiasatpen ainalysady, orasan zor bailyqty, keibiri tipti el bolashaǵyn ýystarynda ustap tur", - delingen maqalada.
Maqala avtorlarynyń sózinshe, TMD elderindegi eń aýqatty azamattardyń basym kópshiligi kommýnistik rejim kúiregende bilik basyndaǵy topqa jaqyn bolǵan adamdar.
Maqalada Dinara Qulybaevanyń eks-prezident Nursultan Nazarbaevtyń qyzy ekeni, nemen ainalysatyny jáne qandai aktivteri bar ekeni kórsetilgen.
"Ol jubaiy ekeýi eldegi qarjy institýttaryn, onyń ishinde eń iri qazaqstandyq bankti, aýylsharýashylyǵy ónimderi men munai saýdasymen ainalysatyn kásiporyndardy baqylaidy. Sondai-aq Dýbai men óz otanynda jyljymaityn múlik salasynda jobalary bar", - delingen aqparatta.
Dinara men Timýr Qulybaevtar batys jýrnalisteri men AQSh diplomattary arasynda óte tanymal ekenin aita ketý kerek. Kezinde amerikalyq diplomattar Timýr Qulybaevqa "eń syrbaz milliarder" ("manicuired billionaire") degen at qoiǵan.
Basylym atap ótkendei, Qulybaev kelissózder júrgizý ónerin jetik meńgergen. Forbes Kazahstan jýrnalynyń 2019 jylǵy reitinginde 3 100 000 000 dollarmen Timýr Qulybaev 3 orynǵa, dál osyndai aqshamen Dinara Qulybaeva 4 orynǵa jaiǵasqan. Amerikalyq Forbes otbasynyń aýqatyn 6,4 mlrd dollarǵa teńeidi.
Burynǵy Keńes úkimetinen shyqqan milliarderler ishinde Petr Kellner (Chehiia), Zigmýnt Solorts (Polsha), Ivan Chrenko (Slovakiia), Ivitsa Todorich (Horvatiia), Lorink Mesarosh (Vengriia), Vladimir Potanin, Andrei Melnichenko, Arkadii Rotenberg, Oleg Deripaska (Resei) bar.
