بٷگٸن ەل ٷشٸن اسا ماڭىزدى شەشٸم قابىلداماقپىن. وسىعان دەيٸنگٸ ەلەۋمەتتٸك-ەكونوميكالىق احۋال تۇراقتى بولدى. بٸراق بۇل بٷگٸنگٸ كٷنٸ جەتكٸلٸكسٸز كٶرسەتكٸش. مەن ۇيىتقى بولعان ٷشٸنشٸ مودەرنيزاتسييا جەنە "ۇلت جوسپارى – 100 ناقتى قادام" باعدارلامالارى قۇرىلىمدىق رەفورمانى جەدەلدەتۋ ٷشٸن قابىلدانعان.
5 ينستيتۋتتسيونالدى رەفورما تولىق جٷزەگە اسقاندا ەلدەگٸ شاعىن جەنە ورتا بيزنەستٸڭ بەلسەندٸلٸگٸ ارتىپ, ەكونوميكاداعى مەمسەكتوردىڭ ٷلەسٸ تٶمەندەر ەدٸ. سوتتارعا جەنە قۇقىق قورعاۋ ورگاندارىنا دەگەن سەنٸم قالىپتاسار ەدٸ.
ٷكٸمەت ەكونوميكانىڭ تامىرىنا قان جٷگٸرتەدٸ دەپ بٸرسىپىرا زاڭ قابىلدادى, بٸراق بٸردە-بٸرٸ ماقساتىنا جەتكەن جوق. ٸشكٸ جالپى ٶنٸم شيكٸزاتتىق سەكتوردىڭ ەسەبٸنەن ٶسٸپ وتىر.
ٷكٸمەت پەن ۇلتتىق بانك ەكونوميكانىڭ ٶسۋٸنە, دامۋىنا سەبەپكەر بولاتىن ناقتى جاعداي المادى. مەملەكەتتٸك باعدارلامالار ورىندالىپ جاتقانىمەن, كٶپتەگەن باعىتتار بويىنشا نەتيجە جوق. جۇمىس ورىندارى جەتكٸلٸكسٸز, بۇل ەسٸرەسە اۋىلداردا انىق كٶزگە ۇرىپ تۇر.
شاعىن جەنە ورتا بيزنەس ەكونوميكانىڭ كٷرەتامىرىنا اينالا المادى. مينيسترلەر مەن ەكٸمدەر بيزنەسكە كٶڭٸل بٶلۋدٸ قويدى.
ٷكٸمەتكە, ەكٸمدەرگە حالىقتىڭ تۇرمىسىن جاقسارتۋ, تابىسىن ٶسٸرۋ تۋرالى تالاي مەرتە تاپسىرما بەردٸم. ەكٸ جىل بۇرىن كونستيتۋتتسييالىق رەفورما جاساپ, ٷكٸمەت پەن ەكٸمدەرگە ەلەۋمەتتٸك-ەكونوميكالىق مەسەلەلەردٸ شەشۋدە ەركٸندٸك بەردٸم.
يندۋستريالدى, ەلەۋمەتتٸك, ينفراقۇرىلىمدىق, دەنساۋلىق جەنە بٸلٸم سالاسىنا قاتىستى بٸرتالاي باعدارلاما قابىلداندى. قارجى بٶلٸندٸ. بٸراق, بٸردە-بٸرٸ جولعا قويىلعان جوق. جٷزەگە اسپادى. حالىقتىڭ تابىسى ٶسكەن جوق. تۇرمىسى جاقسارعان جوق.
وتباسىنداعى تابىستىڭ ازىق-تٷلٸككە كەتەتٸن ٷلەسٸ ٶسكەن ٷستٸنە ٶسٸپ كەلەدٸ. اتقارۋشى ورگانداردىڭ جٷردٸم-باردىم قاراۋىنان قوعامنىڭ كٶپ بٶلٸگٸ ەلەۋمەتتٸك كٶمەكتەن قاعىلدى.
ٷكٸمەت مٷشەلەرٸ, مينيسترلەر, ەكٸمدەر حالىقپەن جۇمىس ٸستەمەدٸ, حالىقتىڭ سٶزٸمەن ساناسپادى, مەسەلەسٸنە قۇلاق تٷرمەدٸ.
وسى جاعدايدا مەن حالىق مٷددەسٸن ەسكەرە وتىرىپ كەلەسٸدەي شەشٸم قابىلدادىم:
ٷكٸمەت وتستاۆكاعا كەتۋٸ تيٸس دەپ ەسەپتەيمٸن. جاڭا ٷكٸمەت حالىقتىڭ تۇرمىس-جاعدايىن جاقسارتۋ ٷشٸن ناقتى شارالار قابىلداۋى كەرەك. ەكونوميكانى تٸرٸلتۋ قاجەت.
"نۇر وتاننىڭ" الداعى جيىنىندا ەلدٸڭ تۇرمىسىن جاقسارتۋ, تابىسىن كٶتەرۋگە قاتىسى بٸرقاتار ٸس-شارالار جوسپارىن ۇسىنامىن. بۇعان بيۋدجەتتەن جەنە ۇلتتىق قوردان قوماقتى قارجى بٶلٸنەدٸ.
بۇل قارجى كەلەسٸدەي مٸندەتتەردٸ ورىنداۋعا:
- جاعدايى تٶمەن ازاماتتاردى ەلەۋمەتتٸك قولداۋعا;
- ولاردى باسپانامەن قامتۋعا;
- ايماقتاردى دامىتۋدىڭ باعىت-باعدارىن كٷردەلٸ تٷردە ٶزگەرتۋگە
باعىتتالادى.
جاڭا ٷكٸمەت ٶز جۇمىسىن وسىعان نەگٸزدەۋٸ كەرەك. ٷكٸمەتتٸڭ قولىنداعى قارجى ماقساتسىز جۇمسالىپ جاتىر. بۇدان كەيٸن مۇنىڭ بارلىعىنا باقىلاۋ جٷرگٸزٸلەدٸ. الداعى "نۇر وتاننىڭ" جيىنىندا بۇل تۋرالى ەگجەي-تەگجەيلٸ ايتامىن, – دەدٸ نازارباەۆ.
