نازارباەۆ قازاقستاندى ورتالىق ازيياداعى كٶشباسشى ەلگە اينالدىردى
نازارباەۆ بيلٸگٸ تۇسىندا تۇتاس بٸر دەۋٸر ٶتتٸ دەسەك بولادى. ال وعان بٸر جازبامەن باعا بەرۋ مٷمكٸن ەمەس. يە, ۇتقان, ۇتىلعان كەزەڭدەرٸمٸزدە بولدى.
قالاي دەسەك تە, نازارباەۆ بيلٸك قۇرعان تۇستا قازاقستاندا ليبەرالدى ەكونوميكا قالىپتاستى. سونىڭ ارقاسىندا ەلٸمٸزگە جٷزدەگەن ميلليارد دوللار ينۆەستيتسييا قۇيىلدى. ورتالىق ازيياعا قۇيىلعان ينۆەستيتسييانىڭ باسىم بٶلٸگٸ قازاقستاننىڭ ەنشٸسٸنە تيەتٸنٸن بەرٸمٸز بٸلەمٸز. قازاقستان ەكونوميكالىق تۇرعىدان ورتالىق ازييانىڭ لوكوماتيۆٸ دەگەن اتاۋعا يە بولدى.
نازارباەۆ بيلٸگٸ كەزٸندە ەكونوميكالىق ٶرلەۋ ورىن الدى. ونى كەز كەلگەن ادام مويىندايتىنى انىق. حالىقارلىق كٶلٸك دەلٸزدەرٸ سالىنىپ, ساۋدا-ەكونوميكالىق قاتىناستار جانداندى.
ەگەر دە ەۋروپا مەن ازييانى جالعاپ وتىرعان الىپ ەل قازاقستاننىڭ باسشىسى ليبەرالدى-ەكونوميكالىق ساياسات ۇستانباعاندا ونىڭ كەسٸرٸ قازاقستاندى بىلاي قويىپ, تۇتاستاي ورتالىق ازيياعا تيەر ەدٸ. مۇنى نازارباەۆ جاقسى تٷسٸندٸ. سول سەبەپتٸ ول ەكونوميكا سالاسىندا اشىق ساياسات جٷرگٸزدٸ.
وسى رەتتە ينۆەستيتسييالىق كليمات بٸر جىلدى, بٸر زاڭمەن ورناي سالمايتىنىن تٷسٸنۋٸمٸز كەرەك. اشىق ينۆەستيتسييالىق كليماتتى قالىپتاستىرۋدا ٷلكەن ساياسي ەرٸك-جٸگەر كەرەك. بۇل قاسيەت ەلباسىنىڭ بويىنان تابىلدى. سونىڭ ارقاسىندا ەلٸمٸز ينۆەستيتسييا يٸرٸمٸنە اينالدى.
الداعى ۋاقىتتا نازارباەۆ سالىپ كەتكەن سارا جولدى ارى قاراي دامىتىپ, دامىعان ەلدەرمەن سادۋا-ەكونوميكالىق بايلانىسىمىزدى نىعايتا بەرۋٸمٸز كەرەك. بۇل رەتتە عالامدىق دەڭگەيدەگٸ ديپلومات, قازٸرگٸ پرەزيدەنتٸمٸز قاسىم-جومارت توقاەۆتىڭ ٸس-تەجٸريبەسٸ تولىق جەتەدٸ. قازٸرگٸدەي پاندەمييا كەزٸندە قاسىم-جومارت توقاەۆتىڭ ەۋروپا ەلدەرٸنە ساپار شەگٸپ, اراداعى بايلانىستى نىعايتۋعا كٷش سالۋى نازارباەۆ ساياساتىنىڭ ٶمٸرشەڭدٸگٸن كٶرسەتەدٸ. سول سەبەپتٸ قر تۇڭعىش پرەزيدەنتٸ كٷنٸ نۇرسۇلتان نازارباەۆتىڭ ەڭبەگٸن باعالاپ, قۇتتىقتايمىز!
