Nazarbaev Qazaqstandy Ortalyq Aziiadaǵy kóshbasshy elge ainaldyrdy
Nazarbaev biligi tusynda tutas bir dáýir ótti desek bolady. Al oǵan bir jazbamen baǵa berý múmkin emes. Iá, utqan, utylǵan kezeńderimizde boldy.
Qalai desek te, Nazarbaev bilik qurǵan tusta Qazaqstanda liberaldy ekonomika qalyptasty. Sonyń arqasynda elimizge júzdegen milliard dollar investitsiia quiyldy. Ortalyq Aziiaǵa quiylǵan investitsiianyń basym bóligi Qazaqstannyń enshisine tietinin bárimiz bilemiz. Qazaqstan ekonomikalyq turǵydan Ortalyq Aziianyń lokomativi degen ataýǵa ie boldy.
Nazarbaev biligi kezinde ekonomikalyq órleý oryn aldy. Ony kez kelgen adam moiyndaityny anyq. Halyqarlyq kólik dálizderi salynyp, saýda-ekonomikalyq qatynastar jandandy.
Eger de Eýropa men Aziiany jalǵap otyrǵan alyp el Qazaqstannyń basshysy liberaldy-ekonomikalyq saiasat ustanbaǵanda onyń kesiri Qazaqstandy bylai qoiyp, tutastai Ortalyq Aziiaǵa tier edi. Muny Nazarbaev jaqsy túsindi. Sol sebepti ol ekonomika salasynda ashyq saiasat júrgizdi.
Osy rette investitsiialyq klimat bir jyldy, bir zańmen ornai salmaitynyn túsinýimiz kerek. Ashyq investitsiialyq klimatty qalyptastyrýda úlken saiasi erik-jiger kerek. Bul qasiet Elbasynyń boiynan tabyldy. Sonyń arqasynda elimiz investitsiia iirimine ainaldy.
Aldaǵy ýaqytta Nazarbaev salyp ketken sara joldy ary qarai damytyp, damyǵan eldermen sadýa-ekonomikalyq bailanysymyzdy nyǵaita berýimiz kerek. Bul rette ǵalamdyq deńgeidegi diplomat, qazirgi Prezidentimiz Qasym-Jomart Toqaevtyń is-tájiribesi tolyq jetedi. Qazirgidei pandemiia kezinde Qasym-Jomart Toqaevtyń Eýropa elderine sapar shegip, aradaǵy bailanysty nyǵaitýǵa kúsh salýy Nazarbaev saiasatynyń ómirsheńdigin kórsetedi. Sol sebepti QR Tuńǵysh Prezidenti kúni Nursultan Nazarbaevtyń eńbegin baǵalap, quttyqtaimyz!
