Tarazda avtosalonda satý bóliminiń basshysy bolyp jumys istegen 25 jastaǵy er adam iri kólemde alaiaqtyq jasady degen aiyppen sottaldy, dep habarlaidy dalanews.kz.
Tergeý málimetinshe, ol klientke quny 90 mln teńge bolatyn kóligin jańasyna aýystyryp berýge ýáde etken. Alaida kólikti satyp jiberip, túsken qarjyny jeke qajetine jumsaǵan. Budan keiin basshylyqtan jasyryn túrde avtosalonǵa tiesili quny 83 mln teńge bolatyn jańa kólikti klientke tabystaǵan.
Sonymen qatar, kúdikti avtosalondaǵy taǵy eki kólikti - 68 mln jáne 34 mln teńge turatyn kólikterdi satyp, aqshasyn iemdengen. Budan bólek, quny 59 mln teńge turatyn Toyota Land Cruiser kóligin tómen baǵamen satqany anyqtalǵan.
Sot ony asa iri kólemdegi alaiaqtyq jáne bóten múlikti iemdený boiynsha kináli dep tanyp, 5 jyl 1 aiǵa bas bostandyǵynan aiyrǵan.
Alaida prokýrordyń ótinishinen keiin kassatsiialyq sot úkimdi qaita qarap, keltirilgen shyǵyn ótelmegenin eskerip, jaza merzimin 8 jylǵa deiin ulǵaitty.
